Sunday, 15 November 2026
Advertisement
Ooredoo — Airfibre (leaderboard)
ޚަބަރު

އިލެކްޓްރިކް އުޅަނދުފަހަރާއި ޗާޖިން ސްޓޭޝަންތަކާ ގުޅޭ ފަހުމުނާމާއެއްގައި ސޮއިކޮށްފި

އިލެކްޓްރިކް އުޅަނދުފަހަރާއި ޗާޖިން ސްޓޭޝަންތަކާ ގުޅޭ ފަހުމުނާމާއެއްގައި ސޮއިކޮށްފި

އިލެކްޓްރިކް އުޅަނދުފަހަރާއި ޗާޖިން ސްޓޭޝަންތައް މަރާމާތުކޮށް ބެލެހެއްޓުމަށް މީހުން ތަމްރީންކުރަން ފަހުމުނާމާއެއްގައި ސޮއިކޮށްފިއެވެެ.

އެންވަޔަރަމަންޓް އަދި އިކޮނިމިކް މިނިސްޓްރީއާ ދެމެދު އެކުލަވާލި އެ ފަހުމުނާމާގައި ސޮއިކުރީ އެ ދެ އޮފީހުގެ އިސް ބޭފުޅުންނެވެ.

އެންވަޔަރަަމަންޓް މިނިސްޓްރީން މައުލޫމާތު ދެއްވިގޮތުގައި އެ ފަހުމުނާމާގެ ދަށުން، ރާއްޖޭގެ ކަމާބެހޭ ދާއިރާތަކުގައި މަސައްކަތްކުރާ ފަންނީ މުވައްޒަފުންނަށް އިލެކްޓްރިކް އުޅަނދުފަހަރާއި ޗާޖިން ސްޓޭޝަންތައް މަރާމާތުކޮށް ބެލެހެއްޓުމުގެ ހާއްސަ ތަމްރީނުތަކެއް ހޯދުމުގެ ފުރުސަތު ފަހިވެގެންދާނެއެވެ.

"އިންޓަގްރޭޓެޑް، ސަސްޓެއިނަބަލް އެންޑް ލޯ އިމިޝަންސް ޓްރާންސްޕޯޓް އިން ދަ މޯލްޑިވްސް" މަޝްރޫއުގެ ދަށުން ފޯރުކޮށްދީފައިވާ އިލެކްޓްރިކް ބަސްތަކާއި އެހެނިހެން އުޅަނދުތައް ދިގުމުއްދަތަކަށް ބެލެހެއްޓުމަށް ބޭނުންވާ ފަންނީ ދިވެހިން ބިނާކުރުމަކީ އެ ފަހުމުނާމާގެ އެންމެ މުހިންމު މަގުސަދުކަމަށް ވެސް އެންވަޔަރަަމަންޓް މިނިސްޓްރީން ބުންޏެވެ.

ހަމައެއާ އެކު، ކުރިމަގުގައި ތިމާވެއްޓާ ރައްޓެހި ދަތުރުފަތުރުގެ ނިޒާމުތައް ކުރިއެރުވުމަށް ބޭނުންވާ ގައުމީ ގާބިލުކަން މި މަސައްކަތުގެ ތެރެއިން ވަރުގަދަވެގެންދާނެކަމަށް މިނިސްޓްރީން ވަނީ ބުނެފައެވެ. މި ފަހުމުނާމާގެ ސަބަބުން، ރާއްޖޭގައި ތިމާވެއްޓާ ރައްޓެހި ދަތުރުފަތުރުގެ ވަސީލަތްތައް ދިގު މުއްދަތަކަށް ދެމެހެއްޓެނިވި ގޮތުގައި ބޭނުންކުރުމަށް މަގުފަހިވެގެންދާނެކަމަށް ސަރުކާރުން ފާހަގަކުރައްވައެވެ.





އެ

ރިއެކްޝަން

Advertisement
HDC — Sidebar (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.