ޔާމީންގެ މަރުގެ މައްސަލައިގެ އަޑުއެހުމެއް އާދީއްތަ ދުވަހަށް ތާވަލުކޮށްފި
ރަހުމް ކުޑަ ގޮތަކަށް މަރާލި ބްލޮގަރ ޔާމީން ރަޝީދުގެ މަރުގެ މައްސަލައިގެ އަޑުއެހުމެއް އާދީއްތަ ދުވަހަށް ތާވަލު ކޮށްފި އެވެ.
ތޫނު އެއްޗެހިން ހަމަލާދީ ޔާމީން މަރާލާފައި ވަނީ 2017 ވަނަ އަހަރުގެ އޭޕްރިލް މަހުގެ 23 ވަނަ ދުވަހު، އޭނާ ދިރިއުޅޭ ގޭގެ ސިޑި ކައިރީގައެވެ.
މިމައްސަލަ ފުލުހުންނާއި މަރު ކޮމިޝަނުން ބެލުމަށް ފަހު ނިންމީ އޭނާ މަރާލީ ދީނީ ގޮތުން ހުރި ދެބަސްވުންތަކެއްގެ ސަބަބުން ކަމަށެވެ.
މިމައްސަލައިގައި ތޫނު އެއްޗެއް ބޭނުންކޮށްގެން ގަސްދުގައި މީހަކު މެރުމުގެ ދައުވާ ހަ މީހަކަށް ކުރެ އެވެ. އެއީ ހ. އަންނާރުމާގޭ އިސްމާއިލް ހައިޝަމް ރަޝީދާއި، މ. އިރާސްމިކުގެ، އަހުމަދު ޒިހާން އިސްމާއީލާއި، ގދ. ގައްދޫ ސިންދުބާދުގޭ، މުހައްމަދު ދިފްރާނާއި، މ. ކުދެހިގެ ހަސަން ޝިފާޒާއި، މ. ތާއިފް އިސްމާއިލް ރަޝީދު އަދި މ. ކޮޅުފުށީ އީސްޓް، ހުސައިން ޒިޔާދެވެ.
މިމައްސަލައިގެ އަޑުއެހުމެއް ނުބާއްވާތާ ގިނަ ދުވަސްތަކަކަށްފަހު އަޑުއެހުމެއް ތާވަލު ކޮށްފައިވަނީ އަންނަ އާދީއްތަ ދުވަހުގެ 11:00 އަށެވެ.
