Wednesday, 18 November 2026
Advertisement
HDC — Share-Below (leaderboard)
ވިޔަފާރި

ތިންވަނަ ކުއާޓަރުގައި ދަރަނި އަނބުރާ ދައްކަން 3.26 ބިލިއަން ރުފިޔާ ޚަރަދުކޮށްފި

ތިންވަނަ ކުއާޓަރުގައި ދަރަނި އަނބުރާ ދައްކަން 3.26 ބިލިއަން ރުފިޔާ ޚަރަދުކޮށްފި

މި އަހަރުގެ ތިންވަނަ ކުއާޓަރުގައި ދައުލަތުގެ ޖުމްލަ ދަރަންޏާއި ދައުލަތުން ގެރެންޓީ ދީފައިވާ ދަރަނި (ޕީޕީޖީ ޑެޓް) އަނބުރާ ދެއްކުމަށް 3.26 ބިލިއަން ރުފިޔާ ހަރަދުކޮށްފައިވާ ކަމަށް ތަފާސްހިސާބުތަކުން ދައްކައިފިއެވެ.
މިއީ މި އަހަރުގެ ދެވަނަ ކުއާޓަރާ އަޅާބަލާއިރު 80.8 އިންސައްތައިގެ (13.74 ބިލިއަން ރުފިޔާ)ދަށް އަދަދެކެވެ. ދެވަނަ ކުއާޓަރުގައި ބޮޑެތި ލޯނުތަކާއި ބޮންޑުތަކުގެ ޕްރިންސިޕަލް އަދަދުތައް ދައްކަން ޖެހުމާ ގުޅިގެން ޖުމްލަ 17,003.9 މިލިއަން ރުފިޔާ ޚަރަދުވެފައިވެއެވެ. އަދި މިދިޔަ އަހަރުގެ ތިންވަނަ ކުއާޓަރުގައި ހޭދަވި 4,611.1 މިލިއަން ރުފިޔާއާ އަޅާބަލާއިރު، މި އަހަރުގެ ތިންވަނަ ކުއާޓަރުގެ ޚަރަދު ވަނީ 29.3 އިންސައްތަ (1.35 ބިލިއަން ރުފިޔާ) ދަށްވެފައެވެ.
ތިންވަނަ ކުއާޓަރުގެ ދަރަނި ދެއްކުމުގެ ތަފްސީލު:
ޕްރިންސިޕަލް އަދި އިންޓްރެސްޓް - ޖުމްލަ 3,261.3 މިލިއަން ރުފިޔާގެ ތެރެއިން 1,727.5 މިލިއަން ރުފިޔާ ހޭދަކޮށްފައި ވަނީ ލޯނުތަކުގެ އަސްލު (ޕްރިންސިޕަލް) ދެއްކުމަށެވެ. އަދި އިންޓްރެސްޓާއި އެހެނިހެން ފީތަކުގެ ގޮތުގައި 1,533.8 މިލިއަން ރުފިޔާ ދައްކާފައިވެއެވެ.


މަރުކަޒީ ސަރުކާރުގެ ދަރަނި (ބީސީޖީ) - މަރުކަޒީ ސަރުކާރުގެ ދަރަނި ދެއްކުމަށް ޖުމްލަ 2,600.5 މިލިއަން ރުފިޔާ ޚަރަދުވިއެވެ. މީގެ ތެރޭގައި ހިމެނެނީ ބޭރުގެ ދަރަނި ދެއްކުމަށް ހޭދަވި 1,361.0 މިލިއަން ރުފިޔާއާއި، އެތެރޭގެ ދަރަނި ދެއްކުމަށް ހޭދަވި 1,239.5 މިލިއަން ރުފިޔާއެވެ.


ގެރެންޓީ ދީފައިވާ ދަރަނި - ސަރުކާރުން ގެރެންޓީ ދީފައިވާ ދަރަނިތަކަށް ތިންވަނަ ކުއާޓަރުގައި ހޭދަކޮށްފައި ވަނީ 660.8 މިލިއަން ރުފިޔާއެވެ. އެއީ ބޭރުގެ ދަރަންޏަށް 571.7 މިލިއަން ރުފިޔާ އަދި އެތެރޭގެ ދަރަންޏަށް 89.1 މިލިއަން ރުފިޔާއެވެ.


މި އަހަރުގެ ފުރަތަމަ 9 މަސްދުވަހުގެ ޖުމްލަ
މި އަހަރުގެ ފުރަތަމަ ތިން ކުއާޓަރު އެއްކޮށްލުމުން، ސެޕްޓެމްބަރު މަހުގެ ނިޔަލަށް ދައުލަތުގެ ދަރަނި ދެއްކުމަށް ޖުމްލަ 23,695.3 މިލިއަން ރުފިޔާ (23.70 ބިލިއަން ރުފިޔާ) ވަނީ ޚަރަދުކޮށްފައެވެ. މީގެ ތެރޭގައި ޕްރިންސިޕަލްގެ ގޮތުގައި ދެއްކި 18,391.1 މިލިއަން ރުފިޔާއާއި، އިންޓްރެސްޓްގެ ގޮތުގައި ދެއްކި 5,304.3 މިލިއަން ރުފިޔާ ހިމެނެއެވެ. މިދިޔަ އަހަރުގެ ފުރަތަމަ 9 މަސްދުވަހު ދަރަނި ދެއްކުމަށް ޚަރަދުވެފައި ވަނީ 13,216.6 މިލިއަން ރުފިޔާއެވެ.

ރިއެކްޝަން

Advertisement
Allied Insurance — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.