ގއ.ކަނޑުހުޅުދޫއިން މީހަކު ފައްސިވެއްޖެ

ގއ. ކަނޑުހުޅުދޫގައި ހޯމް ކަރަންޓީނު ގައި ހުރި މީހަކު ކޮވިޑް-19 އަށް ފައްސިވެއްޖެއެވެ.

Ads by STELCO

ކަނޑުހުޅުދޫ ހެލްތް ސެންޓަރު ޕަބްލިކް ހެލްތު ހިންގުމާ ހަވާލުވެ ހުންނެވި ސޫދާ ނާޒިމް "ދެން" އަށް ވިދާޅުވީ، ފައްސިވެފައި ވަނީ 21 އަހަރުގެ އަންހެނެއް ކަމަށެވެ.

ސޫދާ ވިދާޅުވީ މި މީހާ ފައްސިވިކަން އެނގިފައިވަނީ ބަލީގެ އަލާމާތްތައް ހުރުމުގެ ސަބަބުން ކަރަންޓީނުގެ 6 ވަނަަ ދުވަހު ކޮވިޑަށް ޓެސްޓު ކުރުމުން ކަމަށެވެ. ސާމްޕަލްގެ ނަތީޖާ ލިބިފައިވަނީ މިއަދު ކަމަށް ވެސް އޭނާ ވިދާޅުވިއެވެ.

ފައްސިވި އަންހެން މީހާގެ ހާލު ރަނގަޅު ކަމަށާއި މި ކޭހާ ގުޅިގެން ބަލަން ޖެހޭ ކަންކަން ބަލަމުން އަންނަ ކަމަށް ސޫދާ ވިދާޅުވިއެވެ.