މާލޭގެ ސުކޫލްތަކުގެ ކިޔެވުން އަނެއްކާވެސް އޮންލައިން ކުރަން ނިންމައިފި
މާލޭގައި ކޮވިޑް-19 ހަލުވި ކަމާއެކު ފެތުރެމުންދާތީ މާލޭގެ ސުކޫލްތަކުގައި ގްރޭޑް 8އާ ހަމައަށް ކިޔެވުން އޮންލައިން ކުރަން ނިންމައިފިއެވެ.
މިނިސްޓްރީ އޮފް އެޑިއުކޭޝަން އިން ކުރި އިއުލާނެއްގައި ބުނެފައި ވަނީ ސްކޫލްތަކުގެ ކިޔެވުން ގްރޭޑް އަށަކާ ހަމައަށް އޮންލައިން ކުރަން ނިންމީ މި ދުވަސްވަރު ކޮވިޑް-19ގެ ކޭސްތައް މާލެ ސަރަހައްދުގައި ހަލުވި ކަމާއެެކު ފެތުރެމުން ދިއުމާއެކު މިހާރު އެޅިފައިވާ ފިޔަވަޅުތަކުން ބަލި ފެތުރޭ މިންވަރަށް ބަދަލު އަންނަމުން ނުދާކަން ފާހަގަ ކުރެވޭތީ ކަމަށެވެ.
މީގެ އިތުރުން މިއީ ބަލި ފެތުރުމުގެ ރިސްކް އަވަހަށް ކުޑަކުރުމުގެ ގޮތުން އަޅާ ފިޔަވަޅެއް ކަމަށާއި މާދަމާއިން ފެށިގެން މި އުސޫލަށް އަމަލު ކުރަން ފަށާނެ ކަމުގައި ވެސް އިއުލާން ގައި ބުނެފައިވެއެވެ. އެހެން ކަމުން އެލްކޭޖީ އިން ފެށިގެން ގްރޭޑް 8އާ ހަމައަށް ކިޔެވުން ކުރިއަށް ދާނީ އޮންލައިން ކޮށް ކަމަށް ވެސް މި އިއުލާންގައި ބުނެފައިވެއެވެ.
