ގްރޭޑް 6 އިން ދަށުގެ ދަރިވަރުން އިތުރު ހަފްތާއަކަށް އޮންލައިންކޮށް ކިޔަވާ ގޮތަށް ހަމަ ޖައްސައިފި
ކުރިއަށް އޮތް ހަފްތާގައި މާލޭ ސަރަހައްދުގެ ސުކޫލްތަކުގެ ގްރޭޑް 6އިން ދަށުގެ ދަރިވަރުން އޮންލައިން ކޮށް ކިޔަވާ ގޮތަށް ހަމަޖައްސައިފިއެވެ.
އެޑިއުކޭޝަން މިނިސްޓްރީ އިން ކޮށްފައިވާ އިއުލާނެއްގައި ބުނެފައި ވަނީ އެލްކޭޖީ އިން ފެށިގެން ގްރޭޑް 6އާ ހަމައަށް ކިޔެވުން ކުރިއަށް ގެންދިއުމަށް ހަމަޖެހިފައި ވަނީ އޮންލައިން ކޮށް ކަމަށެވެ. އަދި ގްރޭޑް 7އިން ފެށިގެން ގްރޭޑް 12ގެ ދަރިވަރުންނާ ހަމައަށް ކިޔެވުން ކުރިއަށް ގެންދިއުމަށް ނިންމާފައި ވަނީ ސުކޫލަށް ހާޒިރުވެގެން ކަމަށް ވެސް އެ އިއުލާނުގައި ބުނެފައި ވެއެވެ.
ކޮވިޑް-19 ހަލުވިކަމާއެކު މާލެ ސަރަހައްދުގައި ފެތުރެމުންދާތީ މިދިޔަ ދެ ހަފްތާގައި ގްރޭޑް 9 އިން ދަށުގެ ކްލާސްތަކުގެ ދަރިވަރުންނަށް ކިޔެވުން އޮތީ އޮންލައިން ކޮށެވެ.
ރާއްޖޭގެ ސްކޫލްތަކުގައި ވެސް ކޮވިޑް-19 ފެތުރެމުން ދިޔަ މިންވަރު އިތުރުވަމުން ދިޔުމުން، ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން މިދިޔަ މަހު އެޑިއުކޭޝަން މިނިސްޓްރީގައި އެދިފައި ވަނީ، ސްކޫލްތަކުގެ ކިޔެވުން އޮންލައިންކޮށް ކުރިއަށް ގެންދިޔުމަށެވެ.
ނަމަވެސް އެޑިއުކޭޝަނުން އޭރު ނިންމީ ގްރޭޑް 8އިން ދަށުގެ ގްރޭޑްތައް އޮންލައިންކޮށް ކިޔެވުން ކުރިއަށް ގެންދިޔުމަށާއި 9 އާއި 9އިން މަތީގެ ގްރޭޑްތަކުގެ ކިޔެވުން ސްކޫލަށް ހާޟިރުވެގެން ކުރިއަށް ގެންދިޔުމަށެވެ.
Ads by STO
