ފިރިހެން ކުއްޖަކާ ބެހުނު މީހަކު 15 އަހަރަށް ޖަލަށްލާން ކުރި ހުކުމަށް ހައިކޯޓުން ތާއީދުކޮށްފި
އުމުރުން 14 އަހަރުގެ ފިރިހެން ކުއްޖަކާ ބެހުނު ކަމުގެ ދައުވާ، އދ. މަހިބަދޫ ބުލްބުލާގެ ޙުސައިން އިބްރާހީމްގެ މައްޗަށް، ސާބިތުވެ އޭނާ 15 އަހަރަށް ޖަލަށްލުމަށް އެރަށު ކޯޓުން ކޮށްފައިވާ ޙުކުމަކަށް ހައިކޯޓުން މިއަދު ތާއީދު ކޮށްފިއެވެ.
މަހިބަދޫ ކޯޓުން ކޮށްފައިވާ ޙުކުމަކަށް ހައިކޯޓުން ތާއީދުކޮށް، ދައުލަތުން އުފުލި ދައުވާ އދ. މަހިބަދޫ ބުލްބުލާގެ ޙުސައިން އިބްރާހީމްގެ މައްޗަށް ސާބިތުވާކަމަށް ވަނީ ނިންމައިފައެވެ. އަދި އެ ކުށުގެ އަދަބެއްގެ ގޮތުން އޭނާ 15 އަހަރަށް ޖަލަށްލުމަށް ނިންމި ނިންމުމަށް ވެސް ހައި ކޯޓުން ތާއީދު ކޮށްފައިވެއެވެ.
މަހިބަދޫ ކޯޓުން ކޮށްފައިވާ މި ހުކުމަށް ހައިކޯޓުން ތާއީދު ކުރެއްވީ އެކޯޓުގެ ތިން ފަނޑިޔާރުންގެ އަގުލަބިއްޔަތުންނެވެ.
މައްސަލަ ބެއްލެވި ފަނޑިޔާރުންގެ ބެންޗުގެ ރިޔާސަތުގައި އިންނެވީ ފަނޑިޔާރު ޙުސައިން ޝަހީދު އެވެ. ދެން ތިއްބެވީ ފަނޑިޔާރު އަލްއުސްތާޛު މުޙައްމަދު ފައިސަލާއި، ފަނޑިޔާރު އަލްއުސްތާޛު ޙުސައިން މަޒީދް އެވެ. މައްސަލައިގެ ރައުޔު ތަފާތުވީ ރިޔާސަތު ބެލެހެއްޓެވި ފަނޑިޔާރު ޙުސައިން ޝަހީދު އެވެ.
Ads by STO
