ކެމްޕޭން ލަވަތަކުގައި ޚިޔާރު ކުރަންވީ ޝިފާއުގެ އަޑު!
ދިވެހިރާއްޖޭގައި މިއަދު ފިޔަ ޖަހަމުން އަންނަ ލަވަކިޔުންތެރިޔާ މުހައްމަދު ޝިފާއު ކެމްޕޭން ލަވަތައް ކިޔައިދިނުމަށް ނިންމައިފިއެވެ.
"ދެން"އާ ވާހަކަ ދައްކަމުން ޝިފާއު ބުނީ ކެމްޕެއިން ލަވަތައް ވަރަށް ހެޔޮ އަގެއްގައި ކިޔައިދިނުމަށް އޭނާ ނިންމާފައިވާ ކަމަށެވެ. އެގޮތުން ކެމްޕޭން ލަވަތައް ކިޔުމަށް ހާއްސަ ޕެކޭޖުތަކެއް އޭނާ ހަދާފައިވާ ކަމުގައި ޝިފާއު ފާހަގަ ކުރިއެވެ.
އިތުރަށް "ދެން"އާ ވާހަކަ ދައްކަމުން ޝިފާއު ފާހަގަ ކުރީ މި ދުވަސްވަރަކީ އެންމެންނަށް ވެސް ދަތި ދުވަސްވަރެއް ކަމުން ވީހާ ވެސް ހެޔޮ އަގެއްގައި ލަވަތައް ކިޔައިދިނުމަށް ނިންމާފައިވާ ކަމަށެވެ.
ކެމްޕެއިން ލަވަތައް ކިޔުމަށް ޝިފާއު ކަނޑައަޅާފައިވާ ޕެކޭޖްތައް ތިރީގައި އެވަނީއެވެ.
ރަށު ކައުންސިލް މެންބަރުން: 500
ރަށު ކައުންސިލް ރައީސް : 700
އަތޮޅު ކައުންސިލް މެންބަރުން: 800
އަތޮޅު ކައުންސިލް ރައީސް: 1000
ސިޓީ ކައުންސިލް މެންބަރުން: 1200
ސިޓީ ކައުންސިލް މޭޔަރުން: 1500
ޝިފާއު އަކީ ރާއްޖޭގެ ލަވަކިޔުމުގެ ދާއިރާގައި މިއަދު ގިނަ ބައެއްގެ މަގުބޫލުކަން ހޯދާފައިވާ ޒުވާން ފަންނާނެކެވެ. 4 ލަވައެއް އޭނާ މިހާރު ރިކޯޑް ކޮށްފައިވާއިރު ބައެއް ކެމްޕެއިން ލަވަތަކުގެ މަސައްކަތް މިހާރު ވެސް އޭނާ ދަނީ ކުރަމުންނެވެ. ޝިފާއުގެ ލަވަތަކުގެ ތެރެއިން ބެލުންތެރިންގެ އެންމެ ބޮޑު މަގުބޫލުކަމެއް ލިބުނީ "ޔާރާ" ލަވަ އަށެވެ.
ޝިފާއުގެ އަޑުން ކެމްޕެއިން ލަވަ ކިޔުއްވަން ބޭނުންވާ ފަރާތްތަކުން 9900943 ނުވަތަ 9922891 އަށް ގުޅުއްވުމަށް އޭނާ އެދެއެވެ.
