ވެންޓިލޭޓަރު މައްސަލަ: ޕީޖީ ޝަމީމްގެ މައްޗަށް ދައުވާކޮށްދިނުން އެދި އޭސީސީއަށް ހުށަހަޅައިފި
ކޮވިޑް-19 އާ ގުޅިގެން ރާއްޖެއަށް ބޭނުންވި ވެންޓިލޭޓަރުތައް އެތެރެ ކުރުމުގައި ހިންގާފައިވާ ކަމަށް ތުހުމަތު ކުރެވޭ ކޮރަޕްޝަންގެ މައްސަލައާ ގުޅިގެން އާއްމު ފަރާތަކުން ޕްރޮސެކިއުޓަރ ޖެނެރަލް ހުސެއިން ޝަމީމްގެ މައްސަލައެއް އޭސީސީ އަށް ހުށަހަޅައިފިއެވެ.
މި މައްސަލަ ހުށަހަޅާފައި ވަނީ ކޮވިޑް-19 ޖެހިފައިވާ ފަރާތްތަކަށް ފަރުވާ ދިނުމަށް ބޭނުންވާ ވެންޓިލޭޓަރު ގެނައުމުގައި ކޮރަޕްޝަންގެ ޢަމަލުތައް ހިންގި މައްސަލައިގައި ދަޢުވާ ނުކުރަން ޕީޖީން ނިންމުމާ ގުޅިގެންނެވެ. ޕީޖީ އޮފީހުން ވިދާޅުވީ ދަޢުވާ ނުކުރަން ނިންމީ، ކުރިން ހޯދައިފައިވާ ހެއްކާއި ޤަރީނާގެ މައްޗަށް ބަލައި ޖިނާޢީ ކުށެއްގެ ގޮތުގައި ސާބިތު ކޮށްދެވިދާނެ ކަމަށް ނުފެންނާތީ ކަމަށެވެ.
މިކަމާ ގުޅިގެން އާއްމު ފަރާތަކުން އޭސީސީއަށް ހުށަހެޅި މައްސަލައިގައި ބުނެފައި ވަނީ ވެންޓިލޭޓަރު މައްސަލައިގައި ޝަމީމް ދައުވާ އުފުލާފައި ނުވަނީ މަގާމުގެ ނުފޫޒު ބޭނުން ކޮށްގެން ކަމަށެވެ.
އެހެންކަމުން ދައުލަތުގެ މަގާމެއްގައި ހުރެ މަގާމުގެ ހައިސިއްޔަތު ބޭނުން ކޮށްގެން ބަޔަކަށް ނާޖާއިޒު ފައިދާއެއް ހޯދައިދޭން އުޅޭ މައްސަލައިގައި ޕީޖީ ޝަމީމްގެ މައްސަލަ ބައްލަވައި ދެއްވާ އޭނާގެ މައްޗަށް ދައުވާ ކޮށްދިނުމަށް އޭސީސީއަށް އާއްމު ފަރާތަކުން ހުށަހެޅި މައްސަލައިގައި އެދިފައި ވެއެވެ.
ކޮވިޑް ޖެހި ހާލު ބޮޑުވާ މީހުންނަށް ފަރުވާ ދިނުމަށްޓަކައި ގެނައުމަށް ނިންމި 75 ވެންޓިލޭޓަރު ގެންނަށް ދުބާއީ ކުންފުންޏަށް އެޑްވާންސްގެ ގޮތުގައި 90 ޕަސަންޓަށް ވާ 30.9 މިލިއަން ރުފިޔާ ދީފައި ވީ ނަމަވެސް އަދި ލިބިފައި ވަނީ އޭގެ 10 ވެންޓިލޭޓަރެވެ.
ކިހާ ދެރަކަމެއް. މުޅި ދުނިޔޭގައި ހުރި އެންމެ މޮޅު ޕީ.ޖީ އެންމެން ބިރުން ފިއްކެނޑޭ އަދި މުޖުރިމުން ކުޑަކަކޫ ޖައްސުވާލާނެ ކަމަށް ބުނާ ޕީޖީ އާ ދެކޮޅަށް ދައުވާ ކުރަން ވެދާނެތޯ؟ ޕީ.ޖީ ޝަމީމަށް އެކަނި މޫޅި ދުނިޔެއިންވެސް އެގުނީ “ހެޔޮ ނިޔަތުގައި ވައްކަން ” ކުރެވިދާނެކަން. މިއީ އިލާހީ އެއްވެސް ދީނެއްގައި ބަޔާން ވެގެންވާ ވާހަކައެއްބާ؟ ޕީ.ޖީ ޝަމީމު ހުއްޖަތް ދައްކަވަ، އިންޖީލުން، ނުވަތަ ޒަބޫރުން، ނުވަތަ ތައުރާތުން ނުވަތަ ޤުރުއާނުން. ހެޔޮނިޔަތުގައި ވައްކަން ކުރެވޭތޯ؟