މިތަކެތި ކެއުމުން ކެންސަރު ޖެހުމަށް މަގުފަހިވޭ، އަވަހަށް ދުރުހެލިވޭ!
ޕޮޓޭޓޯ ޗިޕްސް ފަދަ ތަކެއްޗަކީ ވަރަށް ގިނަ މީހުން ކެއުމަށް ވަރަށް ލޯބިކުރާ އެއްޗެކެވެ. ނަމަވެސް އޭގެ ސަބަބުން ކެންސަރު ޖެހޭކަން އެނގޭ ހެއްޔެވެ؟ ހަމަަ އެފަދައިން މަސްދަޅު، ގެރިމަސް އަދި މިފަދަ ކެމިކަލް ބޭނުން ކޮށްގެން ބަންދު ކުރެވިފައިވާ ތަކެއްޗަކީ ވެސް ކެންސަރު ޖެހުމަށް މަގުފަހިވާ އެއްޗެހިކަން ދިރާސާއިން އެއޮތީ ފެންނާށެވެ.
އަހަރެމެން އެންމެނަށްވެސް އެނގޭނޭ ފަދައިން ޕޮޓޭޓޯ ޗިޕްސް އަކީ އޭގައި ގިނަ އަދަދެއްގެ ކެލޮރީސް ހިމެނޭ އެއްޗެކެވެ. އެހެން ނަމަވެސް އޭގައި އިތުރު މާއްދާއެއް ކަމަށް ވާ “ކާސިނޯޖެން” ވެސް ހިމެނޭ ކަމަށް ފަހުގެ ދިރާސާ އަކުން ވަނީ އެނގިފައެވެ. ކާސިނޯޖެން އޭ ބުނުމުން ގިނަ މީހުނަށް އެއީ ކޯޗެއްކަން ނޭނގިދާނެއެވެ. ކާސިނޯޖެން އަކީ ސިނގިރޭޓުގައި ވެސް އެކުލެވޭ އަދި ކެންސަރަށް މަގުފަހިވާ ވިހަ މާއްދާއެކެވެ.
ދިރާސާ ތަކުން ސާބިތުވެފައިވާ ގޮތުގައި ބަންދު ކުރެވިފައިވާ ކާނާ ތަކުގައި ގިނަ އަދަދެއްގެ ސޯޑިއަމް ނައިޓްރޭޓްސް އެކުލެވޭ ކަމަށް ވެއެވެ. އަދި މީގެސަބަބުން ކާސިނޯޖެން ވެސް އޭގައި އެކުލެވޭ ކަމަށް ދިރާސާ ތަކުން ދައްކައެވެ. ޚާއްސަކޮށް މިފަދަ ބަންދު ކުރެވިފައި ހުންނަ މަސް ފަދަ ތަކެތި ފިހެލުމުން ކިތަންމެ މީރުވިޔަސް އިންސާނާގެ އެތެރެ ހަށްޓަށް ވަރަށް ބޮޑެތި ގެއްލުން ތަކެއް ކުރާނެ ކަމަށް ވެސް ދިރާސާއިން ދައްކައެވެ.
މިހެން ދެންނެވުމުން ގިނަ ބަޔަކަށް ހީވެފައި އޮންނަނީ މައްސަލައަކީ ކާނާ ކަމަށެވެ. ނަމަވެސް މައްސަލައަކީ ކާ އެއްޗެއް ނޫނެވެ. އޭގައި އެކުލެވޭ ވިހަގަދަ މާއްދާ ތަކާއި ގިނަ ދުވަހު ކުނި ނުވާނޭ ގޮތަށް ހެދުމަށް ޓަކައި އޭގައި އެކުލަވާފައިވާ ކެމިކަލްތައް ވެސް މެއެވެ.
އެހެންކަމުން މިފަދަ ކެއުންތައް ކެއުމުން އިންސާނާގެ ހަށިގަނޑުގައި ކެންސަރަށް މަގުފަހިވާ ސެލް ތައް އުފެދުމުގެ ފުރުސަތު ބޮޑުވެ ގިނަ ބަޔަކަށް ކެންސަރު ޖެހުމުގެ ސަބަބަކަށް މިފަދަ ކެއުންތައް ވަނީ ވެފައެވެ. މިކަމާ މެދު ވިސްނާ ފިކުރު ކޮށް މީގެ ސަބަބުން ލިބޭ ގެއްލުންތައް ދެނެގަނެ މިފަދަ ކެއުންތަކުން ދުރުވަމާ ހިނގާށެވެ.
