މޫސުން ގޯސްވެ ހޯރަފުއްޓަށް އުދަ އަރައިފި
ހއ. ހޯރަފުއްޓަށް އުދަ އަރައި ގެއްލުންތަކެއް ވެއްޖެއެވެ.
ހޯރަފުށި ކައުންސިލު ރައީސް މުޙައްމަދު ވަހީދު "ދެން" އަށް މައުލޫމާތު ދެއްވަމުން ވިދާޅުވީ ބޮޑަށް އުދަ އަރައިފައި ވަނީ އެއާޕޯޓު އޮންނަ ސަރަޙައްދުގެ ހުޅަނގު ފަރާތުން ކަމަށެވެ. އެގޮތުން ރަންވޭ މައްޗަށާއި ހައިވޭގެ އިތުރުން ސިއްޙީ މަރުކަޒު ސަރަޙައްދަށް ވެސް އުދަ އަރާފައިވާ ކަމަށް ވަހީދު ވިދާޅުވެފައިވެއެވެ.
"ފުލުހުންނާއި އެމްޓީސީސީއާއި ރަށުގެ ކައުންސިލާއި މުއައްސަސާތަކާއި ޒުވާނުންނާއި ރައްޔިތުން ގުޅިގެން ވަގުތުން ގުޅިގެން ވެލި ބަސްތާ ޖެހުމާއި އެހެން ވެސް އިޖުތިމާއީ ކަންކަމުގައި ހަރަކާތްތެރިވަމުން މިދަނީ" ވަހީދު ވިދާޅުވިއެވެ.
ވަހީދު ވިދާޅުވީ ކުރަމުންމިދާ ވިއްސާރައަށް އާންމު ރައްކާތެރިކަމަށް ރައްޔިތުން ސަމާލުވުމަށާއި ދެން އަމަލު ކުރަންޖެހޭނެ ގޮތްތަކަށް އިރުޝާދު ދެއްވަމުންދާ ކަމަށެވެ.
އުތުރުގެ ބައެއް ރަށްރަށަށް ވިއްސާރައިގެ ސަބަބުން ގެއްލުން ވެފައިވާ ކަމަށާއި، އެ ރަށްތަކުގައި ވެލިބަސްތާ ޖެހުމުގައި އެމްއެންޑީއެފްއިން ވެސް ހަރަކާތްތެރި ވަމުން އަންނަ ކަމަށް އެ މުއައްސަސާއިން ވަނީ ވިދާޅުވެފައެވެ.
