ހއ. އިން ފެށިގެން ޅ. އަތޮޅަށް އޮރެންޖު އިންޒާރު ނެރެފި
މޫސުން އިތުރަށް ގޯސްވާނެ ކަމަށް ލަފާކޮށް ހއ. އަތޮޅުން ފެށިގެން ޅ. އަތޮޅާ ހަމައަށް އޮރެންޖު އިންޒާރު ނެރެފިއެވެ.
ގައުމީ މޫސުމާ ބެހޭ އިދާރާ (މެޓް) އިން ބުނެފައިވާ ގޮތުގައި، މިއަދުގެ 15:15 އާއި 17:15 ދެމެދު ބޯކޮށް ވާރޭ ވެހި ފެންބޮޑު ވުން އެކަށީގެންވާ ކަމަށެވެ. އަދި ގަޑިއަކު 34 މޭލާއި 40 މޭލާ ދެމެދު ބާރު މިނުގައި ވައިޖެހޭނެ ކަމަށް ލަފާކުރާއިރު، ވިލާގަނޑުގައިި ގަޑިިއަކު 60 މޭލަށް ވައިގަދަވެ ކަނޑުތައް ގަދަވެ ރާޅު އަރާނެ ކަމަށް ވެސް މެޓް އޮފީހުން ލަފާ ކުރެއެވެ.
މޫސުން ގޯސް ވުމުގެ ސަބަބުން މިއަދު ހއ. އިން ފެށިގެން ޅ. އަތޮޅާ ހަމައަށް މިއަދު ވަނީ ރީނދޫ ސަމާލު ވެސް ނެރެފައެވެ.
މެޓް އޮފީހުން ބުނީ މި ދުވަސްވަރަކީ ރާއްޖޭގެ ހުރިހާ އަތޮޅަކަށް ވެސް މޫސުން ގޯސް ދުވަސްވަރަކަށް ވުމުން ދިޔަވަރު ބޮޑުވާ ގަޑިތަކުގައި ބައެއް ރަށްތަކަށް އުދައިގެ އަސަރު ކުރުން އެކަށީގެންވާ ކަމަށާއި އެހެންކަމުން ހުރިހާ ފަރާތްތަކުން ވެސް މޫސުމަށް ސަމާލުވުމަށް އެދޭ ކަމަށެވެ.
