އުދައަރައި ދިއްފުށި ފެނު އަޑީގައި!
މޫސުން ގޯސްވުމާއެކު ދިޔަވަރު ބޮޮޑުވެ، ކ. ދިއްފުށްޓަށް އުދަ އަރައި ރަށު ތެރޭގައިި ފެން ބޮޑުވެއްޖެއެވެ.
ކ. ދިއްފުށި ކައުންސިލްގެ ރައީސް އިބްރާހިމް ސުނިލް "ދެން" އަށް މައުލޫމާތު ދެއްވަމުން ވިދާޅުވީ، ރަށު ތެރެއަށް ވަރަށް ބޮޑަށް އުދަ އަރައިފައިވާ ކަމަށާއި މިހާރު ވެސް ހުއްޓުމެއް ނެތި ރަށުތެރެއަށް އުދަ އަރަމުންދާ ކަމަށެވެ. އަދި މިހާރު ރަށުގެ ރައްޔިތުންނާ ކައުންސިލުން ވެގެން ފެން ހިންދުމުގެ އެކި މަސައްކަތްތައް ކުރެވެމުން ދާ ކަމުގައި ވެސް ސުނިލް ފާހަގަ ކުރެއްވިއެވެ.
ސުނިލް ވިދާޅުވީ، ރަށުގެ ގާތްގަނޑަކަށް 85 އިންސައްތަ ގެއަށް ލޮނުގެ އަސަރު ކޮށްފައިވާ ކަމަށް ލަފާ ކުރެވޭ ކަމަށެވެ. އަދި ރަށުގެ ހުރިހާ ގަހަކަށް ލޮނުގެ އަސަރުކޮށްފައިވުމާ އެކު ހުރިހާ ގަހެއް ވެސް މަރުވެދާނެ ކަމަށް އޭނާ ވިދާޅުވިއެވެ.
މީގެ އިތުރުން ރަށު ސުކޫލުތެރެއަށް ލޮނުގަނޑު ވަނަނުދިނުމަށް ޓަކަައި ވެލިބަސްތާ ވެސް ޖަހައިފައިވާ ކަމަށް ވެސް ސުނިލް ފާހަގަ ކުރެެއްވިއެވެ.
ސުނިލް ވިދާޅުވީ، އެމްއެންޑީއެފަށް އެހީތެރިކަމަށް އެދިފައިވާނެ ކަމަށާއި، އެހެން ނަމަވެސް ރަށް މޮނިޓަރިންގެ ހާލަތުގައި އޮތުމުގެ ސަބަބުން އެ ބޭފުޅުންގެ އެހީތެރިކަން ލިބުން ވެސް ދަތިކަމުގައެވެ. އަދި މިހާރު ވެސް ޕަމްޕު ޖަހައިގެންނާއި ޖަންގްޝަން މެދުވެރިކޮށް ފެން ހިންދުމުގެ މަސައްކަތް ކުރަމުން ގެންދާއިރު އުނދަގޫ ވާ ކަމަކީ ހުއްޓުމެއް ނެތި އުދަ އަރަމުން ދިޔުންކަން އޭނާ ވިދާޅުވިއެވެ.
