ތަރުތީބެއް ނެތި ދިގުރަށުން ނެގި ސާމްޕަލެއް ފައްސިވެއްޖެ
ތަރުތީބެއް ނެތި އދ. ދިގުރަށުން ކޮވިޑް-19އަށް ޓެސްޓު ކުރުމަށް ނެގި ސާމްޕަލްތަކުގެ ތެރެއިން އެއް ސާމްޕަލް ފައްސިވެއްޖެއެވެ.
ދިގުރަށު ކައުންސިލް މެމްބަރު އަބްދުﷲ އަލީ "ދެން" އަށް ވަނީ މިކަން ކަށަވަރު ކޮށްދީފައެވެ.
އަބްދުﷲ އަލީ ވިދާޅުވީ، ރެންޑަމް ސާމްޕަލް ނަގަން ނިންމީ ގާތްގަނޑަކަށް މީގެ 13 ދުވަސް ކުރިން އެރަށުން ފެނުނު ކޮވިޑް-19 ދެ ކޭސްއަކާ ގުޅިގެން ކަމަށެވެ.
މިއަދު ކޮވިޑަށް ފައްސިވި މީހާއާއެކު ޖުމުލަ އެ ރަށުގައި 3 މީހަކު މިހާރު ކޮވިޑް-19 އަށް ފައްސިވެފައި ވެއެވެ. އަދި ފައްސިވެފައި ވަނީ ހޯމް ކަރަންޓީނުގައި ހުރި އުމުރުން ދުވަސްވީ ފިރިހެނެއް ކަމަށް ވެސް އަބްދުﷲ ވިދާޅުވިއެވެ.
ފައްސިވި މީހާ ފައްސިކަމަށް ނަތީޖާ ދެއްކި ނަމަވެސް އޭނާގެ ފަރާތުން އެއްވެސް އަލާމާތެއް ނުފެންނަ ކަމަށާއި، އެންމެންގެ ހާލު ވެސް އަދި ރަނގަޅު ކަމަށް އަބްދުﷲ ވިދާޅުވިއެވެ. އަދި މިހާރު ކޮންޓެކްޓު ޓްރޭސިންގެ މަސައްކަތް ކުރެވެމުން އަންނަ ކަމަށާއި ރަށް މޮނިޓަރިންއަށް ލައިފައި ނުވި ނަމަވެސް އެކަން ވެސް ބަލަމުން އަންނަ ކަމަށް އޭނާ ފާހަގަ ކުރެއްވިއެވެ.
