Sunday, 15 November 2026
Advertisement
Ooredoo — Airfibre (leaderboard)
ޚަބަރު

ގދ.ވާދޫގައި ކޮވިޑް ޖަމާޢަތީ ފެތުރުމަކަށް، ކައުންްސިލުން އެދެނީ ރައްްޔިތުން ގޭގައި މަޑުކުރުމަށް

ގދ.ވާދޫގައި ކޮވިޑް ޖަމާޢަތީ ފެތުރުމަކަށް، ކައުންްސިލުން އެދެނީ ރައްްޔިތުން ގޭގައި މަޑުކުރުމަށް

ގދ. ވާދޫން ވަކި ތަރުތީބެއް ނެތި ނެގި ސާމްޕަލްތަކުގެ ތެރެއިން ތިން ސާމްޕަލެއް ކޮވިޑް-19އަށް ފައްސިވެ އެ ރަށުން ފައްސިވީ މީހުންގެ ޖުމުލަ އަދަދު 10އަށް އަރައިފިއެވެ.

ވާދޫ ކައުންސިލް ރައީސް ހަސަން އަބްދުﷲ "ދެން" އަށް މައުލޫމާތު ދެއްވަމުން ވިދާޅުވީ، ފައްސިވެފައި ވަނީ އެރަށުން ނެގި 70 ރެންޑަމް ސާމްޕަލްގެ ތެރެއިން ތިން ސާމްޕަލެއް ކަމަށެވެ. އަދި މިހާރު އެރަށުގައި ކޮވިޑް ޖަމާޢަތީ ފެތުރުމަކަށް ގޮސްފައިވާ ކަމަށް ވެސް އޭނާ ފާހަގަ ކުރެއްވިއެވެ.

އެރަށުން ކޮވިޑަށް ފައްސިވެފައި ވަނީ ނިސްބަތުން ޒުވާނުން ކަމަށްވާ އިރު، އެންމެންގެ ހާލު ވެސް ރަނގަޅެވެ. އަދި މިވަގުތު އެރަށުގައި އެކްޓިވް ކޭސްގެ އަދަދަކީ 9 އެކެވެ. ހަމައެއާ އެކު އެރަށުުގައި ކޮވިޑް-19 ފެތުރެމުން ދާތީ 14 ގެއެއް ވަނީ ކަރަންޓީނު ކުރެވިފައެވެ.

Advertisement
HDC — Sidebar (box)

ވާދޫގައި ކޮވިޑް ފެތުރިޔަ ނުދިނުމަށް ޓަކައި އެކި ކަހަލަ ފިޔަވަޅުތައް އެޅިފައިވާއިރު، މީހުން އެއްވެ ތިބޭ ތަންތަން ބަންދުކޮށް ޖޯލިފަތިތައް ވަނީ ނަގައިފައެވެ. އަދި ވާދޫގައި ހަލުވި ކަމާއެކު ކޮވިޑް-19 ފެތުރެމުން ދިއުމާ ގުޅިގެން ވާދޫ ކައުންސިލުން ވަނީ ރައްޔިތުންނަށް ގޭގައި ތިބުމަށް އިލްތިމާސް ކޮށްފައެވެ.

ރިއެކްޝަން

Advertisement
Ooredoo — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.