އަލިފުށީގައި ކޮވިޑް ކޭސްތައް ގިނަ ވަނީ، ޖުމުލަ އަދަދު 37އަށް!
ރ.އަލިފުށިން އިތުރު އަށް މީހަކު ކޮވިޑަށް ފައްސިވެ، އެރަށުގައި ކޮވިޑަށް ފައްސިވެފައިވާ މީހުންގެ ޖުމުލަ އަދަދު 37އަށް އަރައިފިއެވެ.
އަލިފުށި ހެލްތު ސެންޓަރުން ވިދާޅުވީ، މިއަދު ފައްސިވެފައިވާ އަށް މީހުންނަކީ ވެސް އަލާމާތްތައް ފެނިގެން ރަށު ފްލޫ ކްލިނިކަށް ދެއްކި މީހުން ކަމަށެވެ. އަދި ފައްސިވެފައި ވަނީ އަށް ދިވެހިން ކަމަށް ވެސް ހެލްތު ސެންޓަރުން މައުލޫމާތު ދެއެވެ.
މިވަގުތު އެރަށުގައި ޖުމުލަ 37 މީހަކު ކޮވިޑަށް ފައްސިވެފައި ވެއެވެ. އޭގެ ތެރޭގައި 20 ބިދޭސީންނާއި، 17 ދިވެހިން ހިމެނެއެވެ.
ރ. އަލިފުށިން އެންމެ ފުރަތަމަ ކޮވިޑްގެ ކޭހެއް ފެނުނު ހިސާބުން ރަށަށް އަރައިފޭބުން މަނާ ކުރެވި ރަށް ވަނީ މޮނިޓަރިންގެ ހާލަތަށް ލެވިފައެވެ. އަދި ޓާސްކް ފޯހާއި، ސިއްހީ މަރުކަޒުގެ އިތުރުން ރަށު ކައުންސިލުން ދަނީ ރަށުގައި ކޮވިޑްގެ ކޭސްތައް އިތުރުވިޔަ ނުދިނުމަށް ޓަކައި މަސައްކަތް ކުރަމުންނެވެ.
