އެލްޖީއޭ ބޯޑަށް ފުވައްމުލަކު މޭޔަރު އިންތިޚާބުވެއްޖެ

ލޯކަލް ގަވަރމެންޓް އޮތޯރިޓީ(އެލްޖީއޭ)ގެ ބޯޑަށް ފުވައްމުލަކުގެ މޭޔަރު އެމްޑީޕީގެ އިސްމާއީލް ރަފީގު އިންތިޚާބު ވެއްޖެއެވެ.

Ads by Hajj Corporation

މޭޔަރުންގެ ތެރެއިން އެލްޖީއޭ ބޯޑްގައި ހިމެނޭ މެމްބަރުކަމަށް ރަފީގު އިންތިޚާބުވީ ސިޓީ ކައުންސިލް މެމްބަރުންގެ 24 ވޯޓް ހޯއްދަވައިގެންނެވެ. ރަފީގުއާ ވާދަ ކުރެއްވި މާލޭ މޭޔަރ މުހައްމަދު މުއިއްޒަށް ލިބިވަޑައިގަތީ 21 ވޯޓެވެ.

މުއިއްޒު ބަލިވި ނަމަވެސް އޭނާ ވަނީ އެމްޑީޕީގެ މެޖޯރިޓީ އޮންނަ އައްޑޫ ކައުންސިލުން 7 ވޯޓް ހޯދައި އެ ސިޓީގެ ފޮށިން މެޖޯރިޓީ ހޯއްދަވައިފައެވެ.

އެލްޖީއޭގެ ބޯޑަށް އަތޮޅު ކައުންސިލްގެ ރައީސުންގެ ތެރެއިން ހޮވިވަޑައިގަތީ މާލެ އަތޮޅުގެ ރައީސް ޕީޕީއެމްގެ މުހައްމަދު ނިމާލެވެ.