ޖަމާއަތުގައި ނަމާދުކުރުން މަނާކޮށްފައި އޮއްވާ ޖަމާއަތުގައި ބަޔަކު ހުކުރު ކޮށްފި
ކޮވިޑް-19އިން ރައްކައުތެރިވުމަށް މާލެ ސަރަހައްދުގެ މިސްކިތްތަކުގައި ޖަމާއަތުގައި ނަމާދުކުރުން މަނާކޮށްފައި ވަނިކޮށް، މާލެ ސަރަހައްދުގެ ބައެއް މިސްކިތްތަކުގައި މިއަދުގެ ހުކުރު ކޮށްފިއެވެ.
"ދެން"އަށް އެނގިފައިވާ ގޮތުގައި މާލޭގެ ފުރުގާން މިސްކިތުގައި އަދި ހުޅުމާލޭގެ މަސްޖިދުލް އުމަރު ބިން އަލް ހައްތާބުގައި ވަނީ ހުކުރު ކޮށްފައެވެ. މީގެ އިތުރުން ވެސް ބައެއް މިސްކިތްތަކުގައި ހުކުރު ނަމާދު ކޮށްފައިވާއިރު މަންޒަރު ދުށް މީހުން "ދެން"އަށް ބުނި ގޮތުގައި ގިނަ ބަޔަކު ވަނީ ޖަމާއަތުގެ ނަމާދުގައި ބައިވެރިވެފައެވެ.
ޖަމާއަތް ހަދައިގެން ހުކުރު ނަމާދު ކޮށްފައި ވަނީ މެންދުރު ނަމާދަށް ފަހު ހުތުބާ ވެސް ކިޔައިގެންނެވެ. ނަމަވެސް ފުލުހުން އެ މީހުން ހުއްޓުވި ކަމެއް އެނގިފައެއް ނުވެއެވެ.
މިކަމާ ގުޅިގެން އިސްލާމިކް މިނިސްޓްރީގެ މީޑިއާ އޮފިޝަލް ވިދާޅުވީ އެފަދަ މައުލޫމާތެއް މިނިސްޓްރީއަށް ވެސް ލިބިފައިވާ ކަމަށާއި އަދި އެކަން މިނިސްޓްރީން ވެސް ބަލަމުން ދާ ކަމަށެވެ.
ކޮވިޑް-19ގެ ކޭސްތައް މާލެ ސަރަހައްދުގައި އިންތިހާއަށް ގިނަވުމުގެ ސަބަބުން މިސްކިތްތައް ބަންދު ކުރަން އިސްލާމިކް މިނިސްޓްރީން ނިންމީ މިދިޔަ މަހުގެ 26 ވަނަ ދުވަހުއެވެ. އެހެން ނަމަވެސް އާންމުންގެ ފާޑުކިޔުންތަކުގެ ސަބަބުންނާއި އިލްމުވެރިންގެ ކަންބޮޑުވުންތަކެއް ހުރުމުން މިސްކިތްތައް ވަނީ ޖަމާއަތުގައި ނަމާދު ނުކުރި ނަމަވެސް ހުޅުވައިފައެވެ.
ނަމާދު ކުރީމަ ހާދަ ކަންބޮޑުވެޔޭ ދޯ
ނަމާދު ކުރުމަކީ ކުށެއް.
އެމްޑީއެން ލާދީނީ ރިޕޯޓު ނެރުމަކީ މަގާމު މަތިވާ ކަމެއް.
މާލޭގައި ކަސްރަތު ކުރުމުގެ ނަމުގަ ތަންތަނަށް އެއްވެ ޖަމާޢަތް ހަދާ މީހުން ނުފެނޭބާ؟
އިންޑިޔާގެ ބުއްދިނެތް ހިންދޫންގެ ހުންނަ ފަދަ ވިސްނުން މި ދިވެހިރާއްޖޭގެ މަދުބައެއްގެ ހުރީތީ ހިތާމަ ކުރަމެވެ. އެމީހުން ޤަބޫލުކުރާ ގޮތުގައި މިސްކިތްތަކަކީ މި ބިންމަތީގައި މާތް ﷲގެ ގެ ކަމަށްވާތީ އެތަންތާކަށް ކޮވިޑް ނުވަންނާނެއެވެ. އަދި މިސްކިތުގައި ކިތަންމެ ގައިގޯޅިކޮށް ސަފުހަދައިގެން ތިއްބަސް ކޮވިޑެއް ނުޖެހޭނެއެވެ.
ދިވެހިންގެ މަދުބައެއްގެ ނަމަވެސް މިފަދަ ކޮށި ވިސްނުން ހުރީތީ ހިތާމަކުރަމެވެ.
އަޅުގަނޑު މި ދެންނެވި ވާހަކައިގެ މާނައަކީ މިސްކިތަށް އަރައި ނަމާދު ނުކުރާށެކޭ ނޫނެވެ. އެހެންނަމަވެސް މިސްކިތުން ކޮވިޑް ނުފެތުރޭނެކަމަށް ދިވެހިންގެ މަދު ބަޔަކު ޤަބޫލުކުރާތީ އެއީ އެއްވެސް ގޮތަކަށް ރަނގަޅު ވިސްނުމަކަށް ނުވާ ވާހަކައެވެ.