ހޫނު މޫސުމުގައި އަތާއި ފައިން ދާ ހިއްލުމަކީ ވަރަށް ގިނަ ބަޔަކު ތަހައްމަލު ކުރަމުން އަންނަ ކަމެކެވެ. ބައެއް ފަހަރު މީހަކާ ސަލާންކޮށްލަން ވެސް ނުކެރޭ މިންވަރަށް އަތްތިލައިގައި ދާހިއްލާ މީހުން އުޅެއެވެ. އަދި ގަލަމުން އެއްޗެއް ލިޔަން އުޅުނަސް އަތް ދާހިއްލާތީ އެކަމާ އުނދަގޫވާ މީހުންނާއި ބޫޓަށް އެރުމުން ފައި ދާ ހިއްލުމާ އެކު ބޫޓުން ނުބައި ވަސް ދުވާ މީހުން ވެސް މަދެއް ނޫނެވެ. އެފަދަ މީހުންނަށް ސައިންސްވެރިން ވަނީ ހައްލެއް ހޯދައިފައެވެ.
- ބޭކިން ސޯޑާ
ބޭކިން ސޯޑާގައި އަލްކަލައިން ނަމަކަށް ކިޔާ ގުދުރަތީ މާއްދާއެއް އެކުލެވުމާ އެކު، މި މާއްދާގެ ސަބަބުން އަތްތިލައިގާ ދާހިއްލުން ގިނަ އިރުތަކެއް ވަންދެން މެދުކަނޑައިލަދެއެވެ. ތާފަނާ ފެން އެއްޗަކަށް ދޭއް ނުވަތަ ތިން ސަމުސާ ބޭކިން ސޯޑާ އެޅުމަށް ފަހު ރަނގަޅަށް މިކްސް ކޮށްލައި އެ ފެން އެތީގެ ތެރެއަށް އަތް ލައިގެން ފަނަރަ ވަރަކަށް މިނެޓު މަޑުކޮށްލުމަށް ފަހު އަތްތިލަ ހިއްކާލާށެވެ. ގިނަ އިރުތަކެއް ވަންދެން އަތްތިލަ ދާހިއްލިޔަ ނުދީ ހިފަހައްޓައިދޭނެއެވެ.
- ރޯޒް ވޯޓަރ
ރޯޒް ވޯޓަރއަކީ ރާއްޖޭގެ ގިނަ ފިހާރަތަކުން އާންމުކޮށް ގަންނަން ލިބޭ އުފެއްދުމެކެވެ. ކަފަކޮޅެއް ރޯޒް ވޯޓަރ އިން ތެންމާލުމަށް ފަހު އަތްތިލައިގާ އުނގުޅާށެވެ. މިކަމުން ދާހިއްލުން ދުރުކޮށްދޭނެއެވެ. މިގޮތަށް ފައިގައި ވެސް ހާކާލުމުން ހައްލު ފައި ދާ ހިއްލުމުން ދުރު ކޮށްދޭނެއެވެ.
- ސައިފަތް
ސައިފަތަކީ ގުދުރަތީ ގޮތުން "އެންޓި ޕާސްޕިރެންޓް" އެކުލެވޭ އެއްޗެކެވެ. ހޫނު ފެންތައްޓެއްގެ ތެރެއަށް ދެތިން ޕެކެޓް ސައިފަތް ލުމަށް ފަހު، އިރުކޮޅަކު ބަހައްޓައި އެ ސައިފަތް ޕެކެޓުތައް އަތުގައި އުނގުޅާށެވެ. 20 ވަރަކަށް މިނެޓު މިކަން ކޮށްލުމުން އަތްފައި ދާހިއްލުމުން އެއްކޮށް ހުއްޓުވައިދޭނެއެވެ.
.webp)
ކޮމެންޓް