އިމްތިހާނު ހެދުމަކާ ނުލާ 25 ޤައުމެއްގެ މީހުންނަށް ލައިސެންސް ދޫކުރަނީ

ޓްރާސްޕޯޓް މިނިސްޓްރީން ގަބޫލުކުރާ ގައުމުތަކުން ދޫކޮށްފައިވާ ސައްހަ ލައިސެންސެއް އޮތް މީހުންނަށް އިމްތިހާން ހެދުމަކާ ނުލައި ދާއިމީ ލައިސެންސް ދޫކުރުމަށް އެ މިނިސްޓްރީން އިއުލާނު ކޮށްފިއެވެ.

Ads by STELCO

އެއްގަމު ދަތުރުފަތުރުގެ ގާނޫނަށް މި ފަހުން ގެނައި އިސްލާހާ އެކު ޓްރާސްޕޯޓް މިނިސްޓްރީން ގަބޫލުކުރާ ގައުމުން ދޫކޮށްފައިވާ ސައްހަ ލައިސެންސެއް އޮތް މީހުންނަށް އިމްތިހާން ހެދުމަކާ ނުލައި ދާއިމީ ލައިސެންސް ދިނުމަށް ޓްރާސްޕޯޓް މިނިސްޓްރީއަށް ވަނީ އިހްތިޔާރު ދީފައެވެ.

ޓްރާންސްޕޯޓު މިނިސްޓްރީން ބުނީ އެ އިހުތިޔާރުގެ ދަށުން އިމްތިހާން ހެދުމަކާއި ނުލައި ދާއިމީ ލައިސެންސް ދޫކުރުމަށް ހަމަޖެހިފައިވާ ގައުމުތަކުގެ ލިސްޓެއް އެކުލަވާލާ އާންމުކުރާ ކަމަށާއި އެގޮތުން ލިސްޓުގައި 25 ގައުމެއްގެ ނަން ހިމަނައިފައިވާ ކަމަށެވެ.

އެއީ:

▪︎އަފްޣާނިސްތާން
▪︎ ބޫޓާން
▪︎ އިންޑިޔާ
▪︎ ނޭޕާލް
▪︎ ޕާކިސްތާން
▪︎ ސްރީލަންކާ
▪︎ ބުރޫނާއީ
▪︎ ކެމްބޯޑިއާ
▪︎ އިންޑޮނީޝިއާ
▪︎ ލާއޯސް
▪︎ މެލޭޝިއާ
▪︎ މިޔަންމާ
▪︎ ފިލިޕީންސް
▪︎ ސިންގަޕޫރު
▪︎ ތައިލެންޑް
▪︎ ވިއެޓްނާމް
▪︎ ޖަޕާން
▪︎ ޔުނައިޓެޑް ކިންގްޑޮމް (އިނގިރޭސިވިލާތް)
▪︎ އެމެރިކާ
▪︎ ޗައިނާ
▪︎ ޔުނައިޓެޑް އެރެބް އެމިރެޓްސް
▪︎ ސްވިޓްޒާލެންޑް
▪︎ ސައުދީ އަރަބިޔާ
▪︎ ބެލްޖިއަމް
▪︎ ޖަރުމަނީ

އިމްތިހާނަކާއި ނުލައި ލައިސެންސް ދޫކުރާ ޤައުމުތަކުގެ ލިސްޓުގައި، ރާއްޖޭގައި ބޮޑު އާބާދީއެއް އޮންނަ ބަނގްލަދޭޝް ނުހިމެނެއެވެ.