ސިވިލް ސާވަންޓުންނަށް ޖަވާބުދާރީވުމަށް ސަރުކާރުގެ ކަމާބެހޭ އިދާރާތަކަށް 2 ދުވަހުގެ މުހުލަތެއް!
ސިވިލް ސަރވިސް ކޮމިޝަނަށާއި ކަމާ ގުޅޭ ސަރުކާރުގެ އެކި އިދާރާތަކުން ސިވިލް ސަރވިސްގެ މުވައްޒަފުންނަށް ޖަވާބުދާރީވުމަށް 2 ދުވަހުގެ މުހުލަތެއް ދިނުމަށް މޯލްޑިވިއަން ސިވިލް ސާވަންޓް އެސޯސިއޭޝަނުން ނިންމައިފިއެވެ.
އެސޯސިއޭޝަނުން މިއަދު ނެރުނު ނޫސް ބަޔާނެއްގައި ބުނެފައި ވަނީ މުވައްޒަފުންނަށް މުސާރަ ކަނޑައެޅުމުގައާއި އުޖޫރަ އިތުރުކުރުމުގައި މީހުންގެ މެދުގައި ތަފާތުކޮށްގެން ނުވާނެކަމަށް ވަޒީފާއާ ބެހޭ ޤާނޫނުގެ 4 ވަނަ މާއްދާގެ (ހ) ގައި ބަޔާންކޮށްފައި ވީހިނދު، ސިވިލްސަރވިސް ކޮމިޝަންގެ މުވައްޒަފުންގެ މުސާރައާއި ޢިނާޔަތްތައް އިންތިހާ ދަރަޖައަށް ބޮޑުކޮށް، ސިވިލްސަރވިސްގެ އެހެން މުވައްޒަފުންގެ މުސާރައާއި ޢިނާޔަތްތައް ބޮޑުކޮށްނުދީ ހިފަހައްޓައިފައިވާ ކަމަށާއި އެކަން ކުށްވެރިކުރާ ކަމަށެވެ.
މީގެ އިތުރުން ސިވިލް ސަރވިސްގެ މުވައްޒަފުންގެ ޙައްޤުތައް ހޯދުމަށް މުވައްޒަފުންނާ އެކު އެ އެސޯޝިއޭޝަނުން ކުރަމުންދާ މަސައްކަތް ހުއްޓައިނުލާނެކަމަށް ބުނެފައި ވެއެވެ.
"ސިވިލް ސަރވިސްގެ މުވައްޒަފުން މަސައްކަތް ހުއްޓާލުމަކީ މުޅި ދިވެހި ސަރުކާރު ހުއްޓިދާ ފަދަ ކަމަކަށް ވީހިނދު، ދިވެހި ރާއްޖޭގެ އެންމެހާ ރައްޔިތުންގެ ޙައްޤުގައި، ދިވެހި ރާއްޖޭގެ ސިވިލްސަރވިސް ކޮމިޝަނަށާއި ކަމާ ގުޅޭ ސަރުކާރުގެ އެކި އިދާރާތަކަށް ސިވިލްސަރވިސްގެ މުވައްޒަފުންނަށް ޖަވާބުދާރީވުމަށް 2 ދުވަހުގެ މުހުލަތެއް ދިނުމަށް އަޅުގަނޑުމެން ނިންމައިފީމެވެ." މޯލްޑިވިއަން ސިވިލް ސާވަންޓު އެސޯޝިއޭޝަނުން ނެރުނު ބަޔާނުގައި ބުނެފައިވެއެވެ،
މިބަޔާނުގައި އެއެސޯސިއޭޝަނުން ވަނީ އެސޯޝިއޭޝަނުގެ 4 ޑިމާންޑެއް ވެސް ވަނީ ހުށައަޅައިފައެވެ. އަދި މި ޑިމާންޑްތައް މިމަހުގެ ނިޔަލަށް ލިބޭނެކަން ބަޔާންކޮށް ބަޔާނެއް ނުނެރުއްވައިފި ނަމަ، ޖެހިގެން އަންނަ ހަފްތާގެ އާދީއްތަ ދުވަހު މިއަށް ވުރެ ގިނަ މުއައްޒަފުންނާ އެކު، މިއަށް ވުރެ ވަރުގަދަޔަށް އިޙުތިޖާޖު ކުރިއަށް ގެންދާނެކަމަށް ވެސް އެއެސޯޝިއޭޝަނުން ބުނެއެވެ.
ސިވިލް ސާވަންޓުންގެ ޑިމާންޑްތަކުގެ ތެރޭގައި ހިމެނެނީ، މިނިމަމް ވޭޖް އެއީ އަސާސީ މުސާރަ ކަމަށް ކަނޑައަޅައިދިނުމާއި އެސްސެސް 1އިން އެމްއެސް 1އަށް މުސާރައިގެ ކުރިއެރުން ދިނުމާއި މަޤާމްތަކަށް ސެޓްފިކެޓް ކުރިއެރުން ލިބޭނެ ގޮތް ހަމަޖެއްސުމުގެ އިތުރުން ލިވިން އެލަވަންސް ލިބޭނެގޮތް ހަމަޖެއްސުން ހިމެނެއެވެ. މޯލްޑިވްސް ސިވިލް ސާވަންޓްސް އެސޯސިއޭޝަނުން އިސްވެ އޮވެ ސިވިލް ސާވަންޓުން މިހާރު ކުރިއަށްގެންދާ އިހްތިޖާޖްގައި އިއްޔެ ވަރަށް ގިނަ މުއައްޒަފުން ވަޒީފާއަށް ވެސް ނުނިކުމެއެވެ. އެކަމުގެ ސަބަބުން ބައެއް އޮފީސްތަކުގެ ހިދުމަތް މެދުކެނޑި ބައެއް ހިދުމަތްތަކަށް ވަނީ ބުރޫއަރައިފައެވެ.
ކަޅު ޞާލިޙުގެ ކަޅުދަބަސް ސަރުކާރު