ސިވިލް ސާވިސް މުވައްޒިފުންނަށް އެލަވެންސް ދޭން ފެށޭނީ 2023ގައި: އަމީރު
ކޮވިޑް-19ގެ ސަބަބުން ކަނޑައިލި ސިވިލް ސާވިސް މުވައްޒަފުންގެ ސެޓްފިކެޓް އެލަވަންސާއި ޕާފޯމެންސް އެލަވަންސް އަލުން ދެވެން ފެށޭނީ 2023ގައި ކަމަށް ފިނޭންސް މިނިސްޓަރ އިބްރާހީމް އަމީރު ވިދާޅުވެއްޖެއެވެ.
202 ވަނަ އަހަރުން ފެށިގެން ސިވިލް ސަރވިސް މުވައްޒަފުންގެ ސެޓްފިކެޓް އެލަވަންސާއި ޕާފޯމަންސް އެލަވަންސް ދިނުން ހުއްޓައިލާފައިވާތީ އެކަން ފަށާނެ ތާރީޚެއް ބެލުމަށް ވެލިދޫ ދާއިރާގެ މެންބަރު މުޙައްމަދު ޢަބްދުالله ޝަފީޤް ދެންނެވި ސުވާލަށް ލިޔުމުން ޖަވާބު ދެއްވަމުން އަމީރު ވިދާޅުވީ، ޚަރަދު ކުޑަ ކުރަން އަޅައިފައިވާ ފިޔަވަޅުތައް ދައުލަތުގެ އާއްމުދަނީ ކުރިއެކޭ އެއްގޮތަށް އިޔާދަވަންދެން ދަމަހައްޓަން ނިންމައިފައިވާ ކަމަށެވެ. އަދި އެކަންވާނެ ކަމަށް ލަފާ ކުރެވެނީ 2023ގައި ކަމަށް ލަފާ ކުރެވޭ ކަމަށް ސިޓީގައި ވިދާޅުވިއެވެ.
"މިދިޔަ އަހަރު މުވައްޒިފުންނަށް ކުރާ ޚަރަދު ވެސް ހިމެނޭހެން ގިނަ ދާއިރާތަކަކުން ޚަރަދު ކުޑަ ކުރުމުގެ ފިޔަވަޅުވާނީ އަޅައިފައެވެ. އަދި ދައުލަތުގެ އާއްމުދަނީ ކޮވިޑް-19ގެ ކުރިން މިންވަރަށް އިޔާދަވާނެ ކަމަށް އަންދާޒާ ކުރެވެނީ 2023ވަނަ އަހަރުގައި ކަމުން އެ އަހަރާ ހަމައަށް މިހާރު އަޅާފައިވާ ފިޔަވަޅުތައް ދަމަހައްޓައިގެން މެނުވީ، ދައުލަތުގެ ކޭޝް ފްލޯ އަދި ދަރަނި ދެމެހެއްޓެނިވި މިންގަނޑެއްގައި ހިފެހެއްޓުމަށް ދަތިވާނެތީ ފިސްކަލް ސްޓްރެޖީއާއި ބަޖެޓް ހިސާބުތައް ތައްޔާރު ކުރުމުގައި ޚަރަދު ކުޑަ ކުރުމަށް އަޅާނެ ފިޔަވަޅުތައް ދަމަހައްޓާނެ ކަމަށް ވާނީ ބަލައިފައެވެ." އަމީރު ފޮނުއްވި ސިޓީގައި ވިދާޅުވިއެވެ،
އެ ސިޓީގައި އިތުރަށް ވިދާޅުވީ، ކޮވިޑް-19 ތަދުމަޑުކަމުގެ ސަބަބުން ދައުލަތަށް ދިމާވި ހީނަރުކަމާ އެކު ދައުލަތުގެ ކޭޝް ފްލޯ މެނޭޖް ކުރުމަށް ޓަކައި ޚަރަދުތައް ކުޑަ ކުރުމަށް ގިނަގުނަ ފިޔަވަޅުތަކެއް އަޅަން ޖެހުނު ކަމަށެވެ. އަދި ކޮވިޑް-19 ހާލަތުން އަރައިގަނެވި އާއްމު ހާލަތަކަށް ރުޖޫއަވާންދެން ޚަރަދުތައް ކޮންޓްރޯލް ކުރުމަށް އެޅެން ހުރި ފިޔަވަޅުތައް އަޅަމުން ގެންގޮސް އެ ފިޔަވަޅުތައް ދަމަހައްޓާނެ ކަމަށް ވިދާޅުވިއެވެ. އަދި ވިދާޅުވީ، ކަނޑައިލި ދުވަސްވަރުގެ އެލެެވެންސް ދެވޭނެ ކަމަށް ނުބެލެވޭ ކަމަށެވެ.
"ކޮވިޑްގައި ގެއްލުނު އާމްދަނީއަކީ މުސްތަގުބަލުގައި ލިބޭނެ އާމްދަނީއެއް ނޫން. އެހެންވެ ކަނޑައިލި ދުވަސްވަރުގެ އެލަވަންސް ދެވޭނެ ކަމަށް ނުބެލެވޭ." އަމީރުގެ ސިޓީގައިވެއެވެ.
ޢަމީރަށް ތިކަން ނުވަންޏާ އިސްތިޢުފާ ދީފަ ދާންވީނު…
އަރަނި ބަޖެޓެއް ދުވަހަކުވެސް އޮތްތަ މިޤައުމުގަ؟
ސިޔާސީ މަޤާމްތަކަށް ޚަރަދުކުރާނެ ފައިސާ އިތުރަށް ހުރެފަ… ސިވިލްސަރވަންޓުންނަށް ޚަރަދު ކުރަން ދަޢުލަތުގަ ނެތުން މީ އަރަތެއް…
ފައިސާ ހުންނީ ސިޔާސީ މީހުންގެ މުސާރަ ބޮޑުކުރަން އެކަނި ވިއްޔާ ދޯ؟
ތިވާހަކަ ސިިވިލް ސަރވިސް މުވައްޒަފުން ޤަބޫލު ނުކުރާނެ. ތި ހުރިހާ ކަމެއް އެމީހުން މާރަނގަޅަށް ދަންނާނެ ރާއްޖޭގެ ކޭޝްފްލޯ އަކީ އެމީހުންނަށް އައު އެއްޗެއް ނޫން. އެމީހަކަށް ލިބިފައިވާ ބާރުގައި ކޮންމެކަމެއް ކޮންމެ ގޮތަކަށްވެސް ބުނެފާނެ. އެކަމަކު ސަރުކާރުން ކަންކުރާ ގޮތަށް ސިވިލްސަރވިސް މުވައްޒފުން އެދަތީގައި އުޅޭނެ.
ޏުދެވޭ އެއްޗެއް އެއްޗެއްގެ ވާހަކަބުނީޔކ