އައިޖީއެމްއެޗްގެ ޑޮކްޓަރު މުރާދު ކޮވިޑަށް ފައްސިވެއްޖެ
އައިޖީއެމްއެޗްގެ ޑޮކްޓަރު މުރާދު ކޮވިޑް-19 އަށް ފައްސިވެއްޖެއެވެ.
ޑރ.މުރާދް އޭނާގެ ފޭސްބުކް އެކައުންޓެއްގައި ވިދާޅުވީ ކޮވިޑް-19 އަށް ފައްސިވެފައިވާ ކަމަށާއި އޭނާ ކޮވިޑް ވެކްސިން ޖަހާ މަންޒަރު ފެންނަ ފޮޓޯ އާއިލާއާއި ރައްޓެހިން ހޯދަމުން ދާ ކަމަށެވެ. އެހެންނަމަވެސް ކޮވިޑަށް ފައްސި ވުމުގެ ސަބަބުން ވެކްސިން ނުޖަހާ ކަމަށް މުރާދު ވިދާޅުވިއެވެ.
މީގެ އިތުރުން އެ ޕޯސްޓުގައި ވަނީ ކޮވިޑް ބަލިން ރަނގަޅު ވަންދެން ވެކްސިން ނުޖަހާ މަޑުކުރަން ޖެހޭނެ ކަމަށެވެ. ޑރ.މުރާދު ވަނީ އާންމުން ވީހާވެސް ބޮޑަށް ރައްކާތެރިކަމުގެ ފިޔަވަޅު އަޅައި ގިނަގިނައިން އަތް ދޮވެ، ބޭރުގައި އުޅުއްވާއިރު މާސްކު އެޅުމަށް އިލްތިމާސްކޮށްފައެވެ. އަދި ގައިދުރުކަން ބަހައްޓާ، ކޮވިޑްގެ ރައްކާތެރިކަމުގެ ފިޔަވަޅެއްގެ ގޮތުން ވެކްސިން ޖެހުމަށެވެ.
ކޮވިޑް-19 އިން އަރައިގަތުމަށް ރާއްޖޭގައި ކުރާ މަސައްކަތްތަކުގެ ތެރެއިން، އިންޑިއާއިން ހަދިޔާކުރި ވެކްސިން މިހާރު ވަނީ ބޭނުންކުރަން ފަށާފައެވެ.
ރާއްޖޭގައި މިވަގުތު ދެމުން ދަނީ އިންޑިއާގެ ސީރަމް އިންސްޓިޓިއުޓުން އުފައްދާފައިވާ، އަދި ރާއްޖެއަށް ހަދިޔާ ކޮށްފައިވާ އަސްޓްރާޒެނެކާ "ކޮވިޝީލްޑް" ވެކްސިނެވެ. ކޮވިޑަށް ވެކްސިން ރާއްޖޭގައި ޖަހަން ފަށާފައި ވަނީ މިދިޔަ ހޯމަދުވަހު އެވެ.
ޑރ. ފައްސިވިއިރު އެެއްވެސް ބަލިމީހަކާ ބައްދަލުވިތޯ؟ މިހެން މި އަހާލީ ރާއްޖޭގައި ޓީޗަރަކު ފައްސިވިއަސް ކުދިންނާ ދިމާ ނުވޭ. ބަސް އެހީތެރިޔާވެސް އެއްވެސް ދަތުރުވެރިކާ ދިމާވެފައެއް ނުވޭ. އޭޑީކޭ ޑރ. ވެސް ފައްސިވީއިރު ބަލިމީހަކާ ދިމާނުވޭ.
ޑޮކްޓަރުންނާާ ދިމާވިއަސްް މާސްކުު އަޅައިގެންް ތިބެެ ދިމާވީމަަ ޑައިރެކްޓުު ކޮންޓެކްޓުންް ކަމަށްް ނުބަަލަނީ