ނިންޓޭންޑޯ ސްވިޗެއް ވަގަށް ނެގި ކަމަށް ތުހުމަތު ކުރެވޭ މީހަކު ހޯދަނީ
ހުޅުމާލެ ފެރީޓާމިނަލް ބޭރުގައި ހުރި ބެންޗެއްގައި ބާއްވައިފައި އޮތް ނިންޓޭންޑޯ ސްވިޗެއް ވަގަށް ނަގައިފައިވާކަމަށް ތުހުމަތު ކުރެވޭ މައްސަލައަކާ ގުޅިގެން ފުލުހުންގެ ޖެނެރަލް އިންވެސްޓިގޭޝަން ޑިޕާޓްމަންޓުން ކުރަމުންދާ ތަހުގީގަށް ހޯދަމުންދާ މީހެއް ދެނެގަތުމަށް އާންމުންގެ އެހީތެރިކަމަށް އެދިއްޖެއެވެ.
އެމީހާ ހަރަކާތްތެރިވަމުންދާ ސީސީޓީވީ ފުޓޭޖަކާ އެކު، ފުލުހުން ކޮށްފައިވާ އިއުލާނެއްގައި ވިދާޅުވެފައި ވަނީ، އެއީ މި އަހަރުގެ ޖޫން މަހުގެ 20ވަނަ ދުވަހުގެ ވަގުތެއްގައި މާލޭގައި ހުންނަ ހުޅުމާލެ ފެރީޓާމިނަލް ބޭރުގައި ހުރި ބެންޗެއްގައި ބާއްވައިފައި އޮތް ނިންޓޭންޑޯ ސްވިޗެއް ވަގަށް ނަގައިފައިވާކަމަށް ތުހުމަތު ކުރެވޭ މައްސަލައަކާ ގުޅިގެން ފުލުހުންގެ ޖެނެރަލް އިންވެސްޓިގޭޝަން ޑިޕާޓްމަންޓުން ކުރަމުންދާ ތަހުގީގަށް ހޯދަން ބޭނުންވެ، ފުލުހުން މިހާތަނަށް ކުރި މައްސައްކަތުން ކާކުކަން ދެނެގަނެވިފައި ނުވާތީ ނުހޯދިފައިވާ މީހެއް ކަމަށެވެ.
ވީމާ މިމީހާއާ ބެހޭ އެއްވެސް މަޢުލޫމާތެއް ލިބިފައިވާ ނަމަ ޖެނެރަލް އިންވެސްޓިގޭޝަން ޑިޕާޓްމަންޓްގެ ނަމްބަރު 9631696އަށް ގުޅުއްވައި މިމައްސަލައިގެ އިންސިޑެންޓް ނަންބަރު 490048 ވިދާޅުވެ، އެމައުލޫމާތެއް ހިއްސާކުރެއްވުމަށް ފުލުހުން އެދިލައްވައިފައިވެއެވެ. މިފަދަ ކަންކަމުގައި ރައްޔިތުންގެ ފަރާތުން ފުލުހުންނަށް ލިބެމުންދާ އެއްބާރުލުން ފުލުހުން ވަނީ ފާހަގަކޮށް ޝުކުރު ދަންނަވައިފައެވެ.
