މަޙްމޫދުގެ މަރާ ގުޅިގެން ބިދޭސީއަކު ހައްޔަރުކޮށްފި

އދ. ދަނގެތީގައި އަނިޔާވެރި ގޮތަކަށް މަރާލާފައިވާ ވިޔަފާރިވެރިޔާ މަހުމޫދު އަބޫބަކުރުގެ މަރާ ގުޅިގެން ބިދޭސީއަކު ހައްޔަރުކޮށްފިއެވެ.

Ads by STELCO

މިއަދު ހެނދުނު ފުލުހުން ވަނީ ބިދޭސީއެއް ދިރިއުޅެމުން އައި ގެ ބަލައި ފާސްކޮށްފައެވެ. އެ ބިދޭސީ މީހާއަކީ އެރަށު އުމުރުން ދުވަސްވީ މީހަކު ބެލުމަށް އެރަށަށް ގެނެސްފައިވާ ބިދޭސީއެކެވެ. އޭނާ އެރަށުގައި އުޅޭތާ މިހާރު ހަތަރު ވަރަކަށް އަހަރު ވެދާނެ ކަމަށް އެރަށުން މައުލޫމާތު ދިން މީހާ ބުނެފައިވެއެވެ. ހައްޔަރުކޮށްފައި ވަނީ މި ބިދޭސީ މީހާ ކަމެއް އަދި ސާފުވާ ގޮތް ވަނީ ނުވެފައެވެ.

ފުލުހުން މިއަދު ކުރި ޓްވީޓެއްގައި ވިދާޅުވީ، މަޙްމޫދުގެ މަރާ ގުޅިގެން ބިދޭސީއެއް ހައްޔަރުކޮށްފައިވާ ކަމަށެވެ. އިތުރު ތަފްސީލެެއް ނުދެއްވައެވެ.