މަޙްމޫދުގެ މަރު: ތަހުގީގުގެ ބޭނުމަށް ސާލިމް ރަށުގެ އެކި ތަންތަނަށް ގެންގޮސްފި!
އދ. ދަނގެތީގައި މި މަހުގެ 13 ވަނަ ދުވަހު އަނިޔާވެރި ގޮތަކަށް މަރައިލި އެ ރަށުގެ ވިޔަފާރިވެރިޔާ މަޙްމޫދު އަބޫބަކުރުގެ މަރުގެ ތުހުމަތުގައި ހައްޔަރު ކޮށްފަައިވާ ބިދޭސީ މީހާ، ތަހުގީގުގެ ބޭނުމަށް މިއަދު އެ ރަށުގެ އެކި ތަންތަނަށް ގެންދިޔަ މައުލޫމާތު ލިބިއްޖެއެވެ.
"ދެން"އަށް މައުލޫމާތު ދެމުން އެ ރަށުގެ މީހަކު ބުނީ މިއަދު ހަވީރުގެ ވަގުތެއްގައި ފުލުހުން ވަނީ މި މައްސަލައިގައި ހައްޔަރު ކޮށްފައިވާ ބަނގްލަދޭޝްގެ ރައްޔިތެއް ކަމަށްވާ ސާލިމް، ޕޮލިސް ސްޓޭޝަނުން ނެރެގެން ރަށުގެ އެކި ތަންތަނަށް ގެންގޮސްފައި ކަމަށެވެ.
"ހީވާ ގޮތުގައި އޭނާ ލައްވާ ފުލުހުން އެކަން ހިނގައި ދިޔަ ގޮތް ކިޔައިދެނީ. ރަށުގެ ބައެއް ތަންތަން ފުލުހުން ޓޭޕު ދަމައި ބަންދު ވެސް ކޮށްފައި ހުރީ. ސާލިމު ގެންދިޔަ މަޙްމޫދު އެއްލައިލައިފަ އޮތް ވަޅު ހުރި ގޯއްޗަށް ވެސް" ނަން ހާމަ ނުކުރުމަށް އެދި އެ ރަށުން މައުލޫމާތު ދިން މީހާ ބުންޏެވެ.
މިކަމާ ގުޅޭ ގޮތުން "ދެން"އަށް މައުލޫމާތު ދެއްވަމުން ދަނގެތީ ކައުންސިލު ރައީސް މުއާވިޔަތު ރަޝީދު ވެސް ވިދާޅުވީ ތަހުގީގުގެ ބޭނުމަށް މިއަދު ސާލިމް ނެރެގެން ރަށުގެ އެކި ތަންތަނަށް ގެންދިޔަ ކަމަށާއި އޭގެ ތެރޭގައި އޭނާ ދިރިއުޅޭ ގެ ވެސް ހިމެނޭ ކަމަށެވެ.
ޚުދިންބެލުމަށާޢީ މައިންބަފައިންބެލުމަށް ބޭރުމީހުންގެނައުމުގެ ނުރައްކާ މިހައިވަރުން ދިވެހިލޮބުވެތި ރައްޔިތުންނަށް މިހިސާުން މިހައިވަރުން އެނގޭނެބާވައެވެ
10 ވަރަކަށް އަހަރު ފަހުން މިތާގެ މަޖިލިސް ހިސޯރު ކޮށް 30 އަހަރު ފަހުން ރާއްޖޭގެ ރައީސްކަން ތި އިންޑިއާ ބަނގްލަދޭޝް މީހުން ކުރާނެ ، ދިވެހިން ހޭއަރާ މިކަން ނުކޮއްފިނަމަ، މަށައް ވަރަށް ފަހުންދިމާވި ކަމެއްހިއްސާކޮއްލާނަން 17 ވަރަކަށް އަހަރުގެ ކުއްޖެއްގެ އަމިއްލަ ގޭގެ ސާފުކުރަން ޖެހުމުން އެޖުއްޖާ ބުނީ ބަނގްލަދޭޝް މީހުން ކުރާ ކަންކަން ކުރުވާ ވާހަކަ މިވަރުން ދަންޏާ ގައުމު ގައި ހުރިހައިކަމެއް އެމީހުން ކުރާނެ ނޫންތޯ…