Monday, 16 November 2026
Advertisement
HDC — Share-Below (leaderboard)
ޚަބަރު

އިއްސެ މަރައިލިކަމަށް ޝުމޮން ދެކޮޅު ހެދިނަމަވެސް ދިފާއުގައި ދައްކާނެ ހެއްކެއް ނެތް!

އިއްސެ މަރައިލިކަމަށް ޝުމޮން ދެކޮޅު ހެދިނަމަވެސް ދިފާއުގައި ދައްކާނެ ހެއްކެއް ނެތް!

ހއ. އިހަވަންދޫ އައިސްޕްލާންޓުގައި މަސައްކަތް ކުރި ޅ. ހިންނަވަރު / އަތިރީގެ، އިސްމާއިލް އުމަރު (އިއްސެ) މަރައިލިކަމަށް ފުރަތަމަ އިއުތިރާފްވުމަށް ފަހު، އެކަމަށް ފަހުން އިންކާރު ކުރި ބަނގްލަދޭޝްގެ ޝުމޮން މިއާގެ ފަރާތުން ދިފާއުގައި ހުށަހަޅާނެ ހެއްކެއް ނެތް ކަމަށް އޭނާ މިއަދު ބުނެފިއެވެ.

އިއްސެ މަރައިލައިފައި ވަނީ މީގެ ތިން އަހަރު ކުރިން ޖުލައި މަހުގެ 16 ވަނަ ދުވަހުގައެވެ. އޭނާ މަރައިލައި އެއްލައިލައިފައި އޮތީ ވެސް، އިހަވަންދޫގެ އެ އައިސްޕްލާންޓު ތެރެއަށެވެ.

މި މައްސަލައިގައި ޝުމޮން ގެ މައްޗަށް ކޮށްފައި ވަނީ ތޫނު އެއްޗެއް ބޭނުން ކޮށްގެން ގަސްތުގައި މީހަކު މެރުމުގެ ދައުވާއެވެ.

Advertisement
Ooredoo — Truecaller (box)

އިއްސެ މަރައިލިކަމަށް މިހާރު އިންކާރު ކުރި ކަމުގައިވިޔަސް، މި މައްސަލައިގެ ތަހުގީގު މަރުހަލާއިން ފެށިގެން ކްރިމިނަލް ކޯޓުގެ އަޑުއެހުންތަކުގައި ވެސް ޝުމޮން ވަނީ އޭނާ އެކަން ކުރި ގޮތް ތަފްސީލުކޮށް ކިޔައިދީ ކުށަށް އިއުތިރާފު ވެސް ވެފައެވެ.

ރަނގަޅަށް ދިވެހިން ވާހަކަ ދައްކަން ނޭނގުމުގެ ސަބަބުން ޝުމޮން ދައްކަން ބޭނުންވާ ވާހަކަތައް ކިޔައިދީފައި ވަނީ ތަރުޖަމާނެއް މެދުވެރިކޮށެވެ.

އޭނާ ބުނެފައި ވަނީ ޝުމޮން މިއާގެ މައްޗަށް އުފުލައިފައިވާ ދައުވާއަށް އޭނާ އިންކާރުކުރާ ކަމަށެވެ. ޝުމޮން މިއާގެ ވާހަކަތައް ބަދަލުވެފައި މި ވަނީ ކީއްވެތޯ ގާޒީ ސުވާލު ކުރެއްވުމުން އޭނާ ބުނީ، ތަހުގީގު މަރުހަލައިގައި ކުށައް އިއުތިރާފްވީ ފުލުހުން އެކަމަށް މަޖުބޫރު ކުރުމުން ކަމަށާއި އަދި އޭނާއާ އެކު އެ މައްސަލައިގައި ދެން ހައްޔަރުކުރި ދެ މީހުން ވެސް އެކުގައި އެއް ގޮޅިއެއްގައި ބާއްވާނެކަމަށް ބުނުމުން ކަމަށެވެ.

މިކަމުގައި ހިމެނޭ ކަމަށް އެއިރު ބުނި ދެމީހުންގެ މައްޗަށް އުފުލީ މީހެއްގެ މަރެއް ފޮރުވިކަމުގެ ދައުވާއެވެ. ނަމަވެސް އެ ދައުވާ ސާބިތު ނުވުމުން، އެމީހުން ފަހުން ވަނީ ދޫކޮށްލައިފައެވެ.

ރިއެކްޝަން

Advertisement
Ooredoo — Truecaller (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.