Tuesday, 17 November 2026
Advertisement
Ooredoo — Article-Top (leaderboard)
ޚަބަރު

ޑޮލަރުގެ ކަޅު ބާޒާރު ހުއްޓުވުމުގެ މަސައްކަތް އަންނަ އަހަރު ފަށާނެ:އެމްއެމްއޭ

ޑޮލަރުގެ ކަޅު ބާޒާރު ހުއްޓުވުމުގެ މަސައްކަތް އަންނަ އަހަރު ފަށާނެ:އެމްއެމްއޭ

ޑޮލަރުގެ ކަޅު ބާޒާރު ހުއްޓުވުމުގެ މަސައްކަތް އަންނަ އަހަރު ފަށާނެ ކަމަށް މޯލްޑިވްސް މޮނިޓަރީ އޮތޯރިޓީ (އެމްއެމްއޭ)އިން ބުނެފިއެވެ.

މިއަދު ކުރިއަށް ދިޔަ ރައްޔިތުންގެ މަޖިލީހުގެ ބަޖެޓު ކޮމިޓީގައި އެމްއެމްއޭގެ ގަވަރުނަރު އަލީ ހާޝިމް ވިދާޅުވީ ޑޮލަރުގެ ކަޅު ބާޒާރު ހުއްޓުވުމަށް ޓަކައި ހަދައިފައިވާ ޑީ ޑޮލަރައިޒޭޝަންގެ ސިޔާސަތު ތަންފީޒުކުރުމަށް ޓަކައި ވާންޖެހޭ ތައްޔާރީތައް ވަމުން އަންނަ ކަމަށާއި އެ ގޮތުން ކަމާ ބެހޭ ފަރާތްތަކާ މަޝްވަރާކުރަމުން އަންނަ ކަމަށެވެ.

"އަޅުގަނޑުމެން ފުރަތަމަ ބައްދަލުކޮށްފައި ވަނީ ބޭންކިން ދާއިރާއާ ގުޅޭ ފަރާތްތަކާ. އެއަށް ފަހު ދެން ޑީޑޮލަރައިޒޭޝަންގެ ސިޔާސަތަށް ދެ ގަވާއިދެއްވާނީ ހަދައިފައި،" ގަވަރުނަރު ވިދާޅުވިއެވެ. އެގޮތުން ހަދައިފައި ވަނީ މަނިޓަރިންގެ ގަވާއިދަކާއި ފޮރިން އެކްސްޗޭންޖް ލައިސެންސިންގެ ގަވާއިދެކެވެ. ގަވަރުނަރު ހާޝިމް ވިދާޅުވީ އެ ދެ ގަވާއިދާ އެކު ޕްރައިވެޓް ސެކްޓާގެ ފަރާތްތަކާ މަޝްވަރާ ކުރައްވާނެ ކަމަށެވެ. އަދި އޭގެ ކުރީގައި ކަމާ ގުޅޭ ފަރާތްތަކާ އިތުރަށް މަޝްވަރާ ކުރައްވާނެ ކަމަށް ވެސް ވިދާޅުވިއެވެ.

ރިއެކްޝަން

Advertisement
HDC — Sidebar (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.