ފިލްމީތަރި އަރުން ވަރްމާ މަރުވެއްޖެ
ފިލްމީތަރި އަރުން ވަރްމާ މަރުވެއްޖެއެވެ.
ސަލްމާން ޚާން ލީޑްރޯލުން ފެނިގެންދާ "ކިކް" އާއި "މުޖްސޭ ޝާދީ ކަރޯގީ" ފަދަ ފިލްމުތަކުގައި އޭނާ އަދާކުރި ރޯލުތަކުން މަޝްހޫރުކަން ހޯދާފައިވާ އަރުން ވަރްމާ މަރުވެފައި ވަނީ، ސްޓްރޯކެއް ޖެހި ހޮސްޕިޓަލުގައި ފަރުވާދެމުން ދަނިކޮށެވެ.
62 އަހަރުގެ އަރުން ވަރްމާގެ އާއިލާއިން ވަނީ އެކްޓަރު މަރުވިކަން ކަށަވަރު ކޮށްދީފައެވެ. ރިޕޯޓްތައް ބުނާގޮތުން އެކްޓަރު މަރުވީ، ސްޓްރޯކާއެކު ލިބުނު ކޮންލިކޭޝަންތަކުގައި، ކިޑްނީ ފެއިލްވުމުގެ ސަބަބުންނެވެ.
އެކްޓަރުގެ ޖަނާޒާގެ ކަންތައް ކޮށްފައި ވަނީ ބުރާސްފަތި ދުވަހުގެ ހަވީރު އޭނާގެ އާއިލާގެ މެމްބަރުންނާއި ގާތް ރަހުމަތްތެރިންނާ އެކުއެވެ.
އަރުން ފިލްމީ ކެރިއަރު ފެށީ ރާހުލް ރަވާއިލްގެ ޑާކާއިޓްއާ އެކުގައެވެ. އޭނާ އަކީ ޕްރޭމް ގްރާންތު، ރާޖާ ކީ އާޔޭގީ ބާރަތު، ޚަލްނަޔަކް އަދި ހެރޮޕަންތީ ފަދަ ފިލްމުތަކުގައި ބައިވެރިވެފައިވާ ބަތަލެކެވ.. އޭނާގެ އެންމެ ފަހު ފިލްމަކަށް ވާނީ ކަންގަނާ ރަނައުތު ލީޑް ރޯލުން ފެނިގެންދާ ސައި ކަބީރުގެ "ޓިކޫ ވެޑްސްޝެރޫ" އާއި ނަވާޒުއްދީން ސިއްދީގީ ލީޑް ރޯލުން ފެނިގެންދާ "ސައި ކަބީރު" އިންނެވެ. މިދިޔަ ޑިސެމްބަރު މަހު ބޯޕާލްގައި އޭނާ ވަނީ މި ފިލްމުގެ ސީންތަކަށް ޝޫޓު ކޮށްފައެވެ.
Ads by STO
