Monday, 16 November 2026
Advertisement
Allied Insurance (leaderboard)
ޚަބަރު

ރޭ އެމްޑީޕީން ބޭއްވި ޖަލްސާގައި ބޮޑަށް ޕްރޮމޯޓުވީ ރައީސް ޔާމީން: އާދަމް ޝަރީފް

ރޭ އެމްޑީޕީން ބޭއްވި ޖަލްސާގައި ބޮޑަށް ޕްރޮމޯޓުވީ ރައީސް ޔާމީން: އާދަމް ޝަރީފް

ށ.ފޯކައިދޫގައި ބޭއްވި ކެމްފެއިން ޖަލްސާގައި އެމްޑީޕީގެ ކެންޑިޑޭޓް މުހައްމަދު ރާޝިދު (ރާޑޯ)އަށް ވުރެ ބޮޑަށް ޕްރޮމޯޓުވެފައި ވަނީ، އިދިކޮޅު ލީޑަރު އަދި ޕީޕީއެމްގެ ރައީސް ޔާމީން އަބްދުލްގައްޔޫމް ކަމަށް ރައްޔިތުންގެ މަޖިލީހުގެ މަޑުއްވަރީ ދާއިރާގެ މެމްބަރު އާދަމް ޝަރީފް އުމަރު ވިދާޅުވެއްްޖެއެވެ.

އާދަމް ޝަރީފް ކުރައްވައިފައިވާ ޓުވީޓެއްގައި ވިދާޅުވީ، ރޭ ފޯކައިދޫގައި ބޭއްވި، ކޮމަންޑޫ ދާއިރާގެ ބައި އިލެކްޝަންގައި ވާދަކުރައްވާ އެމްޑީޕީ ކެނޑިޑޭޓްގެ ކެމްޕެއިން ޖަލްސާގެ "ފޯކަސް" ގެއްލި ޕްރޮމޯޓް ވެފައި ވަނީ ރައީސް ޔާމީން ކަމަށެވެ.

އޭނާ ވިދާޅުވީ އެ ޖަލްސާގައި ރާޝިދު ޕްރޮމޯޓުނުކޮށް ދިފާއަށް ކުޅެފައި ވަނީ ސަރުކާރު ޕްރެޝަރަށް ވެއްޓިފައި ވާތީ ކަމަށެވެ. އަދި ވިދާޅުވީ ސަރުކާރުން ނުފޫޒު ފޯރުވިޔަސް، މި އިންތިހާބުގައި ރައްޔިތުން ސަރުކާރަށް ނޫނެކޭ ބުނާނެ ކަމަށެވެ.

Advertisement
Ooredoo — Square (box)

ރޭ ފޯކައިދޫގައި ބޭއްވި ކެމްޕެއިން ޖަލްސާގައި ރައްޔިތުންގެ މަޖިލީހުގެ ރައީސް މުހައްމަދު ނަޝީދާއި ޑިފެންސް މިނިސްޓަރު އަލްއުސްތާޛާ މާރިޔާ ދީދީއާއި އެމްޑީޕީގެ އިސް ވެރިން ވަނީ ބައިވެރިވެވަޑައިގެންފައެވެ. މި ޖަލްސާގައި ވާހަކަ ދެއްކެވި ބޭފުޅުން ވަނީ ބޭއަދަބީ އަދި ހުތުރު ބަހުން ރައީސް ޔާމީނަށާއި އިންޑިއާ އައުޓް ކެމްޕޭނަށް ފާޑުވިދާޅުވެފައެވެ.

ކޮމަންޑޫ ދާއިރާގެ ބައި އިލެކްޝަން އަންނަ މަހު 5 ގައި ބޭއްވުމަށް ހަމަޖެހިފައިވާއިރު މި އިންތިހާބުގައި އެމްޑީޕީއާއި ޕީޕީއެމްގެ އިތުރުން އެމްއެންޕީއިން ވެސް ވާދަކުރެއެވެ. އަދި މި އިންތިހާބުގެ ކެމްޕެއިން ކުރިއަށްދަނީ ވަރަށް ވާދަވެރި ގޮތެއްގައެވެ.

ރިއެކްޝަން

Advertisement
HDC — Sidebar (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.