ޒަމީރަށް ފުރައްސާރަކުރުން މާލޭގެ މޭޔަރު ކުށްވެރި ކުރައްވައިފި

މާލޭ ސިޓީ ކައުންސިލުގެ މައްޗަންގޯޅި މެދު ދާއިރާގެ ކައުންސިލަރު އަހުމަދު ޒަމީރަށް އެމްޑީޕީގެ މައި ހަރުގެ ކައިރިން ރޭ ފުރައްސާރަ ކުރި ހާދިސާ މާލެ ސިޓީގެ މޭޔަރު ޑރ. މުހައްމަދު މުއިއްޒު ކުށްވެރި ކުރައްވައިފިއެވެ.

Ads by Sosun Fihaara

ކައުންސިލަރު ޒަމީރަށް ފުރައްސާރަ ކުރިކަން ހާމަ ކުރައްވަމުން، މާލޭގެ މޭޔަރު މިރޭ ކުރެއްވި ޓްވީޓެއްގައި ވަނީ އެކަން އެންމެ ހަރުކަށި އިބާރާތުން ކުށްވެރި ކުރައްވައިފައެވެ.

މި ހާދިސާއާ ގުޅޭގޮތުން މަންޒަރު ދުށް ފަރާތަކުން އޮންލައިން ނޫހަކަށް މައުލޫމާތު ދެމުން ބުނެފައި ވަނީ، އެމްޑީޕީގެ މައި ހަރުގެ ކައިރިން ޒަމީރު ދަނިކޮށް އޭނާ ހުއްޓުވައި ފުރައްސާރަކޮށްފައި ވަނީ ރޭ 11:00ހައިއިރު ކަމަށެވެ.

އެނގިފައިވާ ގޮތުގައި އެމީހުން ވަނީ ކައުންސިލަރު ޒަމީރުއާ ދިމާލަށް ވަރަށް ހަޑި ހުތުރު ބަހުން މުހާތަބު ވެސްކޮށްފައެވެ.