ނަރުހުގެ މަރު: ލަމްހާގެ ބަންދަށް އިތުރު ހަތަރު ދުވަސް
އައިޖީއެމްއެޗްގައި މަސައްކަތް ކުރި ފިލިޕީންސްގެ ނަރުހެއް ކަމަށްވާ މޭރީ ގްރޭސްގެ މަރުުގެ ތުހުމަތުގައި ހައްޔަރު ކޮށްފައިވާ އޭނާގެ ފިރިމީހާގެ ދިވެހި ލޯބިވެރިޔާކަމަށް ބުނާ ޅ. ހިންނަވަރު/މާފިނި ހަލީމަތު ލަމްހާގެ ބަންދަށް އިތުރު ހަތަރު ދުވަސް ކްރިމިނަލް ކޯޓުން ޖަހައިފިއެވެ.
މި މައްސަލައިގައި މޭރީގެ ފިރިމީހާ މާވިން އެސްވައި ވާގަސް ވެސް ވަނީ ހައްޔަރުކޮށްފައެވެ. އަދި މިއަދު ކޯޓުން ވަނީ ޝަރީއަތް ނިމެންދެން އޭނާ ބަންދުގައި ބެހެއްޓުމަށް ހުކުމް ކޮށްފައެވެ. ލަމްހާ ބަންދުކުރަން އެދުމާ ގުޅިގެން ޖަވާބުދާރީވާން އިތުރު ވަގުތު ބޭނުންވާ ކަމަށް އޭނާގެ ވަކީލުން ބުނުމުން އެ މައްސަލަ ބައްލަވާ ގާޒީ ހުސައިން ފާއިޒް ރަޝާދު ވަނީ އަންނަ ހޯމަ ދުވަހާ ހަމައަށް އެ ފުރުސަތު ދެއްވައިފައެވެ.
މި މައްސަލައިގައި ލަމްހާގެ މައްޗަށް އުފުލައިފައި ވަނީ މީހަކު މަރައިލުމުގައި ބައިވެރިވުމުގެ އިތުރުން ހޮސްޕިޓަލްތަކުގައި ނޫނީ ނުގެންގުޅެވޭނެ ފަދަ އިންޖެކްޝަންތަކެއް ގެންގުޅެފައިވާތީ ހުއްދަ ނަގައިގެން ކުރަންޖެހޭ ކަމެއް ،ހުއްދަ ނުނަގާ ކުރުމުގެ ދައުވާއާއި އެހެން މީހެއްގެ މުދަލަށް ހުއްދަ ނޫން ގޮތުގައި ބާރު ހިންގުމުގެ ދައުވާއެވެ.
މޭރީ ދަންޖެހިގެން އަމިއްލައަށް މަރުވީ ކަމަށް ބުނެ މިދިޔަ އަހަރުގެ އޮކްޓޯބަރު މަހުގެ 19ވަނަ ދުވަހު، އޭނާގެ ހަށިގަނޑު އައިޖީއެމްއެޗްއަށް ގެންދިޔައީ ވެސް މާވިންއެވެ. ނަމަވެސް މާވިންގެ ވާހަކަތަކާ މެދު ފުލުހުންނަށް ޝައްކު ކުރެވިގެން މަރުގެ މައްސަލައެއްގެ ގޮތުގައި ތަހުގީގުކުރަން ފަށައި މޭރީގެ ހަށިގަނޑުގެ ޕޯސްޓްމޯޓަމް ހެދުމުން ހާމަވީ، އޭނާގެ ބޮލަށް އަނިޔާ ކުރުމުގެ އިތުރުން ނޭވާ ހާސްކޮށްގެން މަރައިލައިފައިވާ ކަމެވެ.
މި ދެވެރިން ކައިވެނި ކުރުވާފާ ޖަލުންއެކަމަޑޭޝަންދީފާ،ޓެކުސްފާއިސާއިން ކެއިންބުއިމާއި، މެޑިކަލް ހަމަޖައްސާފާ ބޭތިއްބީމާ ވަރަށް ސަޅިވާނެ!