މުސްލިމަކު ޖާނުން ފިދާވެގެން ހަމަލާއެއް ދީފި ނަމަ، ވާނީ ޓެރަރިސްޓަކަށް: އަލީ ރަމީޒު
މުސްލިމަކު، ދީނާއި ގައުމުގެ ދިފާއުގައި، ޖާނުން ފިދާވުމުގެ ހަމަލާއެއް ދީފި ނަމަ، އެ މީހަކު ވަނީ "ޓެރަރިސްޓް"އަކަށް ކަމަށް ސަލަފު ޖަމުއިއްޔާގެ މެމްބަރު އަލީ ރަމީޒު ބުނެފިއެވެ.
ރަޝިޔާ ސިފައިން ހުއްޓުވުމަށް ހަށި ގޮއްވައިލައިގެން ހަމަލާ ދިން، ޔޫކްރެއިންގެ ސިފައިންގެ މީހާއަކީ ބަތަލެއްގެ ގޮތުގައި ގިނަ ބަޔަކު ދަނީ ސިފަ ކުރަމުންނެވެ.
ޔޫކްރެއިންގެ ދެކުނު ޚޭރްސަން ސަރަހައްދުގައި އޮންނަ ހެނިޝެސްކް ބްރިޖް ހުރަސްކުރުމަށް ރަޝިޔާގެ އަސްކަރީ ފައުޖުތަކާއި ޓޭންކަރުތަކުން ދަނިކޮށް، އެ ސަރަހައްދަށް ޓޭންކަރުތަކަށް ނުވަދެވޭނެހެން ބްރިޖެއްގެ މަތީގައި ހުރެ ޔޫކްރެއިންގެ ސިފައިންގެ މީހަކު ޖާނުން ފިދާވެގެން ދިން ހަމަލާ ވަނީ މީޑިއާތަކުގެ ސަމާލުކަން ހޯދައިފައެވެ.
ޔޫކްރެއިންގެ އާމްޑް ފޯސަސްގައި ވިޓަލީ ސްކާކުންގެ މި ހިތްވަރު ގަދަ އަމަލަށް އެ ޤައުމުގެ އަސްކަރިއްޔާއިން ވަނީ ތައުރީފް ކުރައްވައިފައެވެ. އަދި އެ ޤައުމުގައި ދެވޭ އެންމެ މަތީ ޝަރަފު، ޤައުމުގެ ޙައްޤުގައި ޝަހީދުވުމުގެ ޝަރަފު އޭނާއަށް ވަނީ ދީފައެވެ.
މިކަމާ ގުޅިގެން އަލީ ރަމީޒު ބުނީ، މުސްލިމަކު މިފަދަ ކަމެއް ކޮށްފި ނަމަ، ވާނީ ޓެރަރިސްޓަކަށް ކަމަށެވެ.
ޔޫކްރެއިން-ރަޝިޔާގެ މަސްރަހު ގޯސްވެފައިވާ މި ދަނޑިވަޅުގައި، ދުނިޔޭގެ އެކި ކަންކޮޅުތަކުގައި އުޅޭ މުސްލިމުން، ހަނގުރާމަތަކާއި ހަމަނުޖެހުންތަކުގެ ސަބަބުން ގިނަ ތަކުލީފުތަކެއް އުފުލަމުންދާއިރު، ބާރުގަދަ ގައުމުތަކުގެ ލީޑަރުން ހަނު ތިބޭކަން ގިނަ ބަޔަކު ދަނީ ފާހަގަކުރަމުންނެވެ. އަދި މުސްލިމުން އަމިއްލަ ދިފާއުގައި ހަމަލާ ދިނުމަކީ "ޓެރަރިސްޓުން"ގެ ގޮތުގައި ލޭބަލް ކުރާ ކަމެއް ކަމަށް ވެސް ގިނަ ބަޔަކު ދެކެއެވެ.
މުސްލިމަކު އަމިއްލައަށް ޖާނުން ފިދާވެއްޖެނަމަ، ކުފްރު މަރަކަށްވެ އޭނާ ނަރަކައަށް ދާނެކަން އެންގެވީ އިސްލާމްދީނުގައެވެ. އަހަރުމެންގެ މާތް ނަބިއްޔާއެވެ. އެއީ ގައުމަށްޓަކައި ނުވަތަ ދީނަށްޓަކައި ކަމުގައި ވިޔަސްއެވެ. ހިތާމައަކީ މިފަދަ ޖާހިލުން ބުނާއެއްޗެހި ލިޔެ މިމީހުނަށް ނޫސްތަކުން ޖާގަދޭތީއެވެ.
މީނަ އިސްލާމްދީން ކޮންތާކުން ކިޔެވީ! މިފަދަ ނާތަހުޒީބު އިންސާނިއްޔަތާ ހިލާފު ކަންކަމަށް ހިތްވަރުދޭ މީހުންގެ ބަސްތައް ނުގެނެސްދެއްވުން އެދެން.
ދިވެހިންނަކީ ވަރަށް ގަމާރުބައެއް. ކޮންމެވެސް ގޮތަކުން މަޝްހޫރުކަން ހޯދައިން ދިވެހިން ކުރިމައްޗަށް އައިސްފިއްޔާ ކަނދުރާއަކަށް ނުބަލާ ތަބާވާނެ. މިއީ ވ. ދެރަވަރު ކަމެއް. މިހާރު އައްޔައަކީ މިރާއްޖެ ޑރ. ޒަކަރިއްޔާމެން، ދރ. ޢަބްދުއްސައްތާރު މެނަށްވުރެ ބޮޑު ފަގޫޑީ އިލްމުވެރި ވަލީވެރި ބޭކަލެއް. މީނަވެސް ހެދިގެން އުޅެނީވެސް މިފާޑަށް. މުހައްމާކަލޯ ކޮމެޑީ ކުޅެފަ މަޖިލިހަށް ލީމަ ހޮވުނީ މި ބުނި ތިޔަރީ އޮފް ނޯބްރެއިންބިގް މައުތުގެ ދަށުން.