ސްޕޯޓްސް އެވޯޑަކީ ބޮޑުވެގެންވާ އިސްރާފެއް: އަލީ ރަމީޒް
ދައުލަތުން ބޮޑު ޚަރަދެއްކޮށްގެން ބޭއްްވި ސްޕޯޓްސް އެވޯޑަކީ ބޮޑުވެގެންވާ އިސްރާފެއްކަމަށް ދީނީ ޖަމިއްޔާ، ޖަމިއްޔަތު ސަލަފްގައި އިސްކޮށް ހަރަކާތްތެރިވާ އަލީ ރަމީޒް ވިދާޅުވެއްޖެއެވެ.
އަލީ ރަމީޒު ވިދާޅުވީ ކޮވިޑްގެ ސަބަބުން ކުރިމަތިވި އިޤްތިޞާދީ ހީނަރުކަމުން އަރައިނުގަނެވި އޮއްވައި އަދި މުޅި ދުނިޔެއަށް އަސަރުކުރާވަރުގެ ހަނގުރާމައެއް ކުރަމުންދާ މި ނާޒުކު ދަނޑިވަޅުގައި މިފަދަ ބޭކާރު ޚަރަދެއްކުރަން ހެޔޮނުވާނެ ކަމަށެވެ. އަލީ ރަމީޒު ވިދާޅުވީ އެއީ ބޮޑުވެގެންވާ ބޭކާރު އިސްރާފެއް ކަމަށެވެ.
“މޯލްޑިވްސް ސްޕޯޓްސް އެވޯޑްސް 2022"އަކީ ރާއްޖޭގައި މިހައި ފުޅާދާއިރާއެއްގައި ބޭއްވުނު ފުރަތަމަ އެވޯޑް ޙަފްލާއެވެ. އެ ޙަފްލާގައި ޖުމްލަ 18 ކުޅިވަރަކުން 108 އެވޯޑް ދީފައިވެއެވެ. ހަފްލާގައި ވަނީ ކުޅިވަރުގެ އެކި ދާއިރާތަކުން އެވޯޑު ދީފައެވެ.
މޯލްޑިވްސް ސްޕޯޓްސް އެވޯޑަށް ދުނިޔޭގެ މަޝްހޫރު ގިނަ ކުޅުންތެރިންނާއި އެތްލީޓުން ވަނީ ބައިވެރިވެފައެވެ. މިއެވޯޑް ނައިޓްގައި ބައިވެރިވުމަށް ރާއްޖެއިން ބޭރުން އައި އެތުލީޓުންނަށް ސްޕޯޓްސް އައިކަން އެވޯޑް ދީފައިވެއެވެ.
ކޮމެންޓް