"ރޯދަ ސާފު" ޕްރޮގްރާމަކީ މުހިންމު ޕްރޮގްރާމެއް: ޝަރީފް
ޒަމާނުއްސުރެ ރޯދަ މަހަށް ތައްޔާރުވުމުގެ ގޮތުން ގެދޮރާއި، ދިރިއުޅޭ މާހައުލު ސާފުކުރުމަކީ ދިވެހިންގެ އާދަކާދައިގެ ތެރެއިން ހިމެނޭ ވަރަށް މުހިއްމު ރީތި އާދައެއް ކަމަށާއި، އެ އާދަ މިހާރު ނެތެމުން ދިޔަ ނަމަވެސް، އެފަދަ ރިވެތި އާދަތައް އާލާކުރުމަށާއި، މުޖުތަމައުގައި އެ ސަގާފަތް ދެމެހެއްޓުމަށް ޓަކައި އެޗްޑީސީން އިންތިޒާމްކޮށްގެން ކުރިއަށްގެންދާ "ރޯދަ ސާފް" ހަރަކާތަކީ ވަރަށް މުހިންމު ހަރަކާތެއް ކަމަށް ސްޓެލްކޯގެ މެނޭޖިންގ ޑިރެކްޓަރ އަހުމަދު ޝަރީފް ވިދާޅުވެއްޖެއެވެ.
ސްޓެލްކޯގެ އެމްޑީ މިފަދައިން ވިދާޅުވީ، އެޗްޑީސީން އިންތިޒާމްކޮށްގެން ހުޅުމާލެ ސާފުކުރުމަށް ޓަކައި މިއަދު ހުޅުމާލޭ ދެވަނަ ފިޔަވަހީގެ ރުއްގަނޑު ސަރަހައްދުގައި ބޭއްވި "ރޯދަ ސާފު" ޕްރޮގްރާމް ޝަރަފުވެރިކޮށްދެއްވާ ދެއްކެވި ވާހަކަފުޅުގައެވެ.
ޝަރީފް ވިދާޅުވީ، އެހަރަކާތަށް ހުރިހާ މުއައްސަސާއަކުން ވެސް ތަރުހީބުދީ އެ މަސައްކަތުގައި ބައިވެރިވުމަކީ، ވަރަށް މުހިންމު އަދި އެދެވޭ ކަމެއް ކަމަށާއި، އެ ހަރަކާތަކީ ހަގީގަތުގައި ރަމްޒީ ހަރަކާތެއް ކަމަށެވެ.
އެހެން ނަމަވެސް އެ ހަރަކާތަކީ ރަމްޒީ ހަރަކާތަކަށް ވުރެ ފުޅާ ވިސްނުމަކުން ވިސްނަންޖެހޭ ހަރަކާތެއް ކަމަށް ވިދާޅުވަމުން ޝަރީފް އިތުރަށް ވިދާޅުވީ ކޮންމެ މީހަކީ ވެސް ފަރުދީ ހައިސިއްޔަތުން އެމީހަކު ދިރިއުޅޭ މާހައުލު ސާފު ކުރުމުގެ ޒިންމާ އެޅިފައިވާ ފަރާތެއް ކަމަށާއި، އެހެން ކަމުން ހިޔާ ފްލެޓްތަކުގައި ދިރިއުޅުއްވާ ބޭފުޅުންނާއި، ހުޅުމާލޭގައި އެހެނިހެން ސަރަހައްދުތަކުގައި ދިރިއުޅުއްވާ ބޭފުޅުން ވެސް ފަރުދީ ހައިސިއްޔަތަކުން އެ ޒިންމާ ނަންގައިވައިގެން ނޫން ގޮތަކަށް އަޅުގަނޑުމެން ދިރިއުޅޭ ވެށި ސާފު ތަނަކަށް ނުހެދޭނެ ކަމަށެވެ.
"އެހެންވީމާ އަޅުގަނޑުމެން މިއަދު އަޒުމް ކަނޑައަޅަންވީ، މިތަނުގައި ތިބި ހުރިހާ މުއައްސަސާތަކަކާއި، ހުރިހާ ފަރާތްތަކުން ވެސް އަޒުން ކަނޑައަޅަންވީ، މި ރަމްޒީ ޕްރޮގްރާމަކީ ރަމްޒެއްކަމުގައި ބެލި ނަމަވެސް ހަގީގަތުގައި އަޅުގަނޑުމެން ދިރިއުޅޭ މާހައުލު ސާފުތާހިރުކޮށް ބެލެހެއްޓުމަކީ އަޅުގަނޑުމެންގެ އަމިއްލަ ޒިންމާއެއްކަމުގައި ދެކެން" ޝަރީފް ވިދާޅުވިއެވެ.
މީގެ އިތުރުން ޝަރީފް ވިދާޅުވީ، މިފަދަ ހަރަކާތްތަކުގައި ރާއްޖޭގެ ސުކޫލްތަކުގެ ދަރިވަރުން ބައިވެރިކުރުމަކީ ލިބޭ ވަރަށްބޮޑު އުފަލެއް ކަމަށާއި، ހަގީގަތުގައި މިނިސްޓްރީ އޮފް އެޑިއުކޭޝަންގެ ފަރާތުން މިފަދަ ޕްރޮގްރާމްތަކަށް ދެއްވާ ތަރުހީބަކީ މުއައްސަސާތަކުން ހާއްސަކޮށް، މިކަންކަމުގައި ހަރަކާތްތެރިވާ ކުންފުނިތަކާއި، އެހެނިހެން އިދާރާތަކުން ޝުކުރުވެރިކަމާއި އެކީގައި ބަލައިގަންނަ ކަމެއް ކަމަށެވެ. އަދި އެ ހަރަކާތުގައި ހުޅުމާލޭގެ ސުކޫލުތަކުން ބައިވެރިވެފައިވާތީ، އެ ސުކޫލުތަކުގެ ވެރިންނަށާއި، މިނިސްޓްރީ އޮފް އެޑިއުކޭޝަނަށް ވަރަށް އިހުލާސްތެރި ޝުކުރެއް ޝަރީފް ވަނީ ދަންނަވައިފައެވެ.
ބަލަގަ ސަރީފޫ ލޮކްޑައުނުއްސުރެ ބިލު ތައް ހަލާސް ނުކުރެވިގެން މިއުޅެނީ.. ހެޔޮނުވާނެ ނިކަމެތި ރައްޔިތުންގެ ބިލްތައް ވެސް ސާފު ކޮއްލަދީބަލަ ރޯދަމަހާދިމާކޮއް…