އައްޑޫ ޕޮލިސް އެކަޑެމީ ހުޅުވައިފި

ރައީސް އިބްރާހީމް މުހައްމަދު ޞާލިހު، އައްޑޫ ޕޮލިސް އެކަޑެމީ ހުޅުވައިދެއްވައިފިއެވެ.

"ނެޝަނަލް ކޮލެޖް އޮފް ޕޮލިސިން އެންޑް ލޯ އެންފޯސްމަންޓް"ގެ ނަމުގައި އިންޑިއާގެ އެހީގައި ހަދަމުން އަންނަ އެކަޑެމީ ހުޅުވުމުގެ ރަސްމިއްޔާތުގައި އިންޑިއާގެ އެކްސްޓާނަލް އެފެއާޒް މިނިސްޓަރު، ޑރ. ސުބްރަމާނިޔަމް ޖައިޝަންކަރާއި ފުލުސް ކޮމިޝަނަރު މުހައްމަދު ހަމީދާއި ހޯމް މިނިސްޓަރު އިމްރާން އަބްދުﷲ ބައިވެރިވެވަޑައިގެންނެވިއެވެ.

https://twitter.com/PoliceMv/status/1507954563168743424

ޕޮލިސް އެކެޑެމީއަކީ އިންޑިއާ ސަރުކާރުގެ ހިލޭ އެހީގައި ހިންގާ މަޝްރޫއެކެވެ. 18 މިލިއަން ޑޮލަރުގެ އެހީގެ މި މަޝްރޫއުގެ މަސައްކަތް ފެށީ 2017ވަނަ އަހަރުއެވެ. މި މަޝްރޫއުގެ މަސައްކަތް ކުރަމުން އަންނަނީ އިންޑިއާގެ ސްރީ އަވަންތިކާ ޕްރައިވެޓް ލިމިޓެޑުންނެވެ.

މި އެކަޑެމީއާ ގުޅޭ ގޮތުން މިނިސްޓަރު އިމްރާން މީގެ ކުރިން ވިދާޅުވެފައި ވަނީ ޕޮލިސް އެކަޑެމީގެ މަސައްކަތްތަކުގެ ތެރެއިން އެންމެ އިސްކަމެއް ދެވޭނީ ތަހްގީގާ ގުޅުން ހުރި ދާއިރާގެ އޮފިސަރުން އިތުރަށް ތަމްރީނުކުރުމަށް ކަމަށެވެ.