ވަޅިން ހަމަލާދީ ޒަޚަމްވި މީހާ މަރުވެއްޖެ

ހުޅުމާލޭގެ ރެސްޓޯރެންޓެއްގެ ތެރޭގައި ވަޅިން ހަމަލާދީ ޒަހަމްވި މީހާ މަރުވެއްޖެއެވެ.

ފުލުހުން ވިދާޅުވީ އޭނާ މަރުވެފައިވާ ކަމަށް ހޮސްޕިޓަލުން މަޢުލޫމާތުދީފައިވާ ކަމަށެވެ.

މި ހާދިސާ ހިނގައިފައި ވަނީ ހުޅުމާލޭގައި ހުންނަ ޚާންޖީ ރެސްޓޯރަންޓްގައެވެ. މާރާމާރީ ހިންގީ ޕާކިސްތާނު މީހަކާއި ބަނގްލަދޭޝް މީހަކާ ދެމެދުއެވެ. މި ހާދިސާގައި މަރުވީ ބަނގްލަދޭޝް މީހާއެވެ.

މަޢުލޫމާތު ލިބިފައިވާ ގޮތުގައި ބަނގްލަދޭޝް މީހާއަށް ހަމަލާ ދިން މީހާ ވަނީ ފިލައިފައެވެ.