ނަޝީދަށް ދިން ހަމަލާގެ ފަހަތުގައި ތިބި މާލީ ވާގިވެރިން އިންސާފުގެ ކުރިމައްޗަށް ގެންނަން މަޖިލީހުން ގޮވައިލައިފި
ކުރީގެ ރައީސް އަދި ރައްޔިތުންގެ މަޖިލީހުގެ ރައީސް މުހައްމަދު ނަޝީދަށް ދިން ޓެރަރިސްޓް ހަމަލާގެ ފަހަތުގައި ތިބި މާލީ ވާގިވެރިންނާއި އެހެނިހެން މީހުންގެ މައްސަލަތައް އަވަހަށް ތަހުގީގުކޮށް ނިންމައި އިންސާފުގެ ކުރިމައްޗަށް ގެނައުމަށް ރައްޔިތުންގެ މަޖިލީހުން ގޮވައިލައިފިއެވެ.
ރައީސް ނަޝީދަށް އަމާޒުކޮށް ދިން ޓެރަރިސްޓު ހަމަލާއަށް އެއް އަހަރު ފުރުމާ ގުޅިގެން މަޖިލީހުން މިއަދު ނެރުނު ބަޔާނެއްގައި ވިދާޅުވެފައި ވަނީ އެ ހަމަލާއަކީ ރާއްޖޭގެ ފުރަތަމަ ޑިމޮކްރެޓިކް ރައީސަށް އެކަނި ދިން ހަމަލާއެއް ނޫން ކަމަށާއި، އެއީ ދިވެހި ދައުލަތަށާއި ދިވެހި މުޖުތަމައާ ދެކޮޅަށް ދިން ހަމަލާއެއް ކަމަށެވެ.
އަދި އެއީ ޤާނޫނުގެ ބާރާއި ދިމުޤުރާތީ މުއައްސަސާތަކަށް ވެސް ދިން ހަމަލާއެއް ކަމަށާއި، އެ ހަމަލާގެ ސަބަބުން ދިވެހިން ބިނާކޮށްފައިވާ އިޤުތިޞާދަށް ލޮޅުން އަރައި، ރާއްޖެއިން ބޭރުގައި އޮންނަ ދިވެހިރާއްޖޭގެ ރީތި ތަސައްވުރާއި، ރީތި ނަން އެކީ ބަދަލުވެދާނެ ފަދަ ހަމަލާއެއް ކަމަށް މަޖިލީހުން ވިދާޅުވިއެވެ.
ހަމަލާއެއް އެއް އަހަރު ފުރޭއިރު އެ ހަމަލާގެ ތުހުމަތު އަމާޒުވާ މީހުންގެ ޝަރީޢަތް ލަސްވުމަކީ ކަންބޮޑުވުމެއް ކަމަށާއި މިހާތަނަށް ޝަރީޢަތް ނިމުނީ މުއްތަހަމުންގެ ތެރެއިން އެންމެ މުއްތަހަމެއްގެ ޝަރީޢަތް ކަމަށާއި ބާކީ ތިބި 8 މީހުންގެ ޝަރީޢަތް ވަރަށް ބޮޑަށް މަޑުޖެހިފައިވާ ކަމަށެވެ.
އަދި ހަމަލާގެ ސަބަބުން ނަޝީދަށް އެއްތަނުން އަނެއްތަނަށް ވަޑައިގެން މިނިވަންކަމާ އެކު ދިރިއުޅުއްވުމުގެ ފުރުސަތު ވަރަށް ބޮޑަށް ހަނިވެފައިވާ ކަމަށާއި، އެ ހަމަލާއަށް އިންސާފު ލިބިވަޑައިނުގަންނަވާހައި ހިނދެއްގައި، ރަސްމީ މަސައްކަތްޕުޅާއި ވާޖިބު އަދާކުރެއްވުމަށާއި މިނިވަންކަމާ އެކު ދިރިއުޅުއްވުމުގެ ޙައްޤު ހަނިވެފައި އޮންނާނެކަމަށް މަޖިލީހުން ވިދާޅުވިއެވެ.
މަޖިލީހުން ވަނީ އެ ހަމަލާގެ ފަހަތުގައި ތިބި މާލީ ވާގިވެރިންނާއި އެހެނިހެން ފަރާތްތަކުގެ މައްސަލަ އަވަހަށް ތަހުގީގުކުރުމަކީ މުހިއްމު ކަމެއް ކަމަށް ފާހަގަކޮށްފައެވެ. އަދި ރައީސް ނަޝީދަށް ދިން ޓެރަރިސްޓު ހަމަލާއަކީ ރާއްޖޭގައި ދިން އެފަދަ އެންމެ ބޮޑު ހަމަލާކަން ފާހަގަކޮށް މަޖިލީހުން ބުނެފައި ވަނީ، އެ ހަމަލާގައި ބައިވެރިވި އެންމެން އިންސާފުގެ ކުރިމައްޗަށް ގެނައުމަކީ މި ޤައުމުގެ ހުރިހައި ރައްޔިތުންގެ ސަލާމަތާއި ރައްކާތެރިކަން ކަށަވަރުކުރަން ކުރަން ޖެހިފައިވާ ކަމެއް ކަމަށެވެ.
އަދި މުޖުތަމައުގެ ސަލާމަތާއި ރައްކާތެރިކަން ޤާއިމުކުރުމަށް އިންސާފު ހޯދަންކުރާ މަސައްކަތުގައި އެއްބައިވަންތަކާމާއި ސާބިތުކަމާ އެކު ދެމިތިބުން މުހިއްމުކަމަށް ވެސް ބުނެފައި ވެއެވެ.
ޟަޖިލީހުގެ ނަން ބޭނުންކޮށްގެން އަމިއްލަ މަސްލަހަތު ހިމެނޭކަންކަމުގަ ބަޔާންނުނެރޭ. މަޖިލީހައް ރައްޔިތުން ކަލޭމެން ހޮވާފަވަނީ އަމިއްލަ މަސްލަހަތު ހިމާޔަތްކުރާކަށްނޫން!
ދީނީ ކަންކަމުގަ މީހުން އަޅުކަން ކުރަނީ މާލީ އެހީވެގެންތަ؟ ނަޝީދު ދީނަށް ހަޖޫ ޖެހީމަ އެޓޭކު އައީ. މރުކޮމިޝަނުން ބުނީ ރިލްވާންގެ ކޭސްއާ އަފްރާޝީމްގެ ކޭސްއަކީވެސް ދީނީ ކަމެކޭ. އެހެންވެ ފަންޑުކުރި މީހަކު ނެތްކަމަށް ބަލައި ނަޝީދުގެ ލަފަޔާވެސް އެކީގަ މައްސަލަތައް ނިންމައި ރިޕޯޓް އާންމުކުރީ. ހަމައެގޮތަށް ނަޝީދުގެ މައްސަލައަކީވެސް ދީނީ މައްސަލައެއް ކަމަށް ނަޝީދު އަމިއްލައަށްވެސް ބުނި. ދެން ކޮން ފަންޑުކުރި މީހެކޭ ކިޔައި ސަރުކާރަށް ކޮން ޖެއްސުމެއް؟
ހެއޮކޮން ވިއްޔާ ތި ހުރިހާކަމެއްގެ މުގުލުގާ ތިބޭނީ މިސަރުކާރުގެ ބޮޑުން ތޯއްޗެއް، އަހަރު ވީއިރުވެސް އެއްވެސް ކަމެއްސާފުވާވަރެއް ނުވި، އަމުދުން މިހާރު އެމްޑީޕީ ތެރޭގާ ވެރިކަމައިގެން މި ކޯޅޭކޯޅުންތަކުން ވަރަށްވެސް ޔަގީނާގާތްކަމެއް އެއީ، މިހާރު އެއޮތީ އެމްޑީޕީތެރޭގާ ހުޅުފަޅައިގެންގޮސްފާ ވެރިކަމުގެ ލައްޒަތާ ޝަރަފާ ޝާނާ،ޝައުކަތުގެ ބޭނުމުގާ،
ކުރީގާ އަންނި ކިއާނެ ރމައުމޫން ވެރިކަމުގެ ޝާނާޝައުކަތާ ލއްޒަތުގެ ވާހަކައެއް، މިހާރު އެއޮތީ އެމްޑީޕީ ތެރޭގާ އަންނި ފެކުސަނާ އިބޫ ފެކުސަން އުފެދި އަންނި އެ ބުނާ ވެރިކަމުގެޗާނާ ޝައުކަތާ ލައްޒަތުގެ ކުޅިގަނޑު ފެށި އަލިފާން ރޯވެ ގިނި އަނދަ އަނދާ، މިބައިމީހުން ގޮވި ހުރިހާ ހުޅައެއް މިބައިމީހުން ކައިކައި މިހާރު އެތިބީ.
ބުއްޅަބޭ މީހުންގެ ހަމްދަރުދީ ހޯދަން އަމިއްލަޔަށް ފަންޑުކޮށްގެން ކުރުވިކަމަކާވައްތަރީ، ތާއިދު ކުޑަކަން އިހުސާސް ވާވަރަކަށް މިވާހަކަތައް ދެއްކުންގިނަވާނެ!