ޤައުމީ އެއާލައިން ދަނީ ބަނގުރޫޓުވުމާ ދިމާލަށް: އަލީ ހުސެއިން
ރާއްޖޭގެ ޤައުމީ އެއަލައިން މޯލްޑިވިއަންގެ މިސްރާބު ހުރީ ބަނގުރޫޓްވުމާ ދިމާލަށް ކަމުގައި ރައްޔިތުންގެ މަޖިލީހުގެ ކެންދޫ ދާއިރާގެ މެމްބަރު އަލީ ހުސެއިން ވިދާޅުވެއްޖެއެވެ.
އަލީ ހުސެއިން އިއްޔެ ކުރެއްވި ޓްވީޓެއްގައި ވިދާޅުވީ، ރާއްޖޭގެ އެންމެ ބޮޑު އެއް ސިނާއަތްކަމުގައިވާ ފަތުރުވެރިކަމުގެ ފައިދާ މޯލްޑިވިއަނަށް ނުނެގެނީ ހިންގުމުގައި ބޮޑެތި ސީރިއަސް މައްސަލަތަކެއް ހުރުމުން ކަމަށެވެ. އަދި ގައުމީ އެއާލައިން މި ދަނީ ބަނގުރޫޓުވުމާ ދިމާލަށް ކަމަށް ވެސް އޭނާ ވިދާޅުވިއެވެ.
ޤައުމީ އެއަރލައިން މިއޮށްދަނީ ބަނގުރޫޓުވުމާ ދިމާލަށް. ފަތުރުވެރިކަމުގެ ފައިދާ މޯލްޑިވިއަންއަށް ނުނެގެނީ ހިންގުމުގައި ބޮޑެތި ސީރިއަސް މައްސަލަތަކެއް ހުރީމަ.
އޭނާ މިހެން ވިދާޅުވީ، ޤައުމީ އެއާލައިން ކަމަށްވާ މޯލްޑިވިއަން ހިންގާ އައިލޭންޑް އޭވިއޭޝަން ސާވިސެސް ލިމިޓެޑަށް މިދިޔަ އަހަރުވި ގެއްލުން 159 މިލިއަން ރުފިޔާއަށް އަރައިފައިވާކަމަށް ފިނޭންސް މިނިސްޓްރީގެ ތަފާސް ހިސާބުތަކުން ދެއްކުމާ ގުޅިގެން ކަންބޮޑުވުން ފާޅު ކުރައްވައި ކުރެއްވި ޓުވީޓެއްގައެވެ.
ފިނޭންސް މިނިސްޓްރީން އާންމުކޮށްފައިވާ ތަފާސްހިސާބުތައް ދައްކާ ގޮތުން މޯލްޑިވިއަންއަށް މިދިޔަ އަހަރުގެ ދެވަނަ ކުއާޓާގައި 99 މިލިއަން ރުފިޔާ ގެއްލުން ވެފައިވެއެވެ. މިދިޔަ އަހަރު އެ ކުންފުންޏަށް ލިބިފައި ވަނީ 1.2 ބިލިއަން ރުފިޔާގެ އާމްދަނީއެކެވެ.
Ads by STO
