ބެއިރޫތުގައި ބާރުގަދަ އެއްޗެއް ގޮވުމުގެ ސަބަބުން މަރުވި މީހުންގެ އަދަދު އަންނަނީ އިތުރުވަމުން!
ލުބްނާންގެ ބެއިރޫތުގައި ބާރުގަދަ އެއްޗެއް ގޮވުމުގެ ސަބަބުން މަރުވި މީހުންގެ އަދަދު އިތުރުވަމުން އަންނަ ކަމަށް ރޮއިޓާރސްގެ ރިޕޯޓުތަކުން ބުނެފިއެވެ.
އެގޮތުން މިހާރުވެސް 30 ވަރަކަށް މީހުން މިހާރުވެސް މަރުވެއްޖެ ކަމަށާއި، އެތައް އިމާރާތްތަކެއް ހަލާކުވެ، އެތައް ހާސް ބަޔަކު ޒަޚަމް ވެސް ވެއްޖެއެވެ..
އެޤައުމުގެ ހެލްތު މިނިސްޓްރީން ބުނެފައިވަނީ މިހާރުވެސް 3000 އަށްވުރެ ގިނަ މީހުން ޒަޚަމްވެގެން ފަރުވާ ދިނުމަށް ހޮސްޕިޓަލުތަކަށް ގެންދެވިފައިވާ ކަމަށެވެ.
މިހާދިސާ ހިނގަން މެދުވެރިވީ ސީދާ ކޮން ސަބަބަކާއެި ހެދިކަން އަދި އެނގިފައި ނެތް ނަމަވެސް، މިއީ ނިއުކްްލިއަރ ބޮމެއްގެ ހަމަލާއެއް ކަމަށް ބައެއް ފަރާތްތަކުން ދަނީ ބުނަމުންނެވެ.
ނަމަވެސް ލުބްނާންގެ އިންޓާނަލް ސެކިއުރިޓީ ޗީފް، އައްބާސް އިބްރާހިމް ވިދާޅުވެފައިވަނީ ގޮވާފައިވަނީ ކުރިން ބޭނުން ކުރަމުންދިޔަ ގުދަނެއްގައި ހުރި ހުޅު ރޯވާފަދަ އެއްޗެހިތަކެއް ކަމަށެވެ. އޭގެ ތެރޭގައި ހަވާ އަރުވަން ބޭނުންކުރާ ތަކެއްޗާއި ހުޅު ހިފާނެފަދަ ފަރޓިލައިޒަރ ހިމެނޭ ކަމަށް ވެސް އައްބާސް ވިދާޅުވެފައިވެއެވެ.
ބެއިރޫތުގައި އެއްޗެއް ގޮވުމުގެ ސަބަބުން އެސަރަޙައްދުގައި މިހާރު ވަނީ އަލިފާން ވެސް ރޯވެފައެވެ.
