ޚާއްސަ ހުއްދައިގެ ދަށުން އިންޑިއާއިން ގިނަ އަދަދެއްގެ ފުށާއި ހަކުރު އިންޕޯޓް ކުރަނީ

އިންޑިއާ އިން ދިވެހި ރާއްޖެ އަށް 7,460 މެޓްރިކް ޓަނުގެ ހަކުރު އަދި 12،722 މެޓްރިކް ޓަނުގެ ފުށް އެތެރެކުރެވޭނެ މަގު ފަހިކޮށްދީފިއެވެ.

Ads by STELCO

މިއީ އިންޑިއާއާއި ދިވެހި ރާއްޖެއާ ދެމެދު އޮންނަ އެއްބަސްވުމުގެ ދަށުން ފަހިކޮށްދީފައިވާ ކަމެކެވެ. އިންޑިއާއިން ވަނީ މިދިޔަ މެއި މަހުގެ ތެރޭގައި އެ ޤައުމުން ގޮދަން އެކްސްޕޯޓް ކުރުން މަނާކޮށްފައެވެ.

ނަމަވެސް، އިންޑިއާއި ރާއްޖެއާއިއެކު އޮންނަ ގާތްގުޅުމަށް ގުޅުމުގެ ސަބަބުން، އެ ޤައުމުން ވަނީ މެދުނުކެނޑި ކާޑުގެ ބާއްވަތްތައް ފޯރުކޮށްދިނުމަށް ނިންމާފައެވެ. އަދި މި ޙާއްސަ ހުއްދައިގެ ދަށުން ކުރިޔަށް އޮތް 3-6 މަހުގެ ތެރޭގައި 7,460 މެޓްރިކް ޓަނުގެ ހަކުރު އަދި 12،722 މެޓްރިކް ޓަނުގެ ފުށް ރާއްޖެއަށް އިންޕޯޓް ކުރާނެއެވެ.

މިކަން މިގޮތައް ހަމަޖެހިގެން ގޮސްފައިވަނީ ރާއްޖެއަށް ކޮންމެހެން ބޭނުންވާ ޒަރޫރީ ބާވަތްތައް ދަތިކަމަކާނުލައި ފޯރުކޮށްދިނުމައްޓަކައި އިންޑިއާއާއި ދިވެހިރާއްޖެއާ ދެމެދު ވެފައިވާ ވިޔަފާރީގެ އެއްބަސްވުމުގެ ތެރެއިން ދޫކޮށްފައިވާ ޙާއްސަ ކޯޓާގެ ދަށުންނެވެ.

އިންޑިއާއިންވަނީ ޖުލައި 2021ގައި 9  ބާވަތެއްގެ މުދަލާއި ކާނާގެ ބާވަތް އެކްސްޕޯޓް ކުރުމުގެ ކޯޓާ އިތުރުކޮށް އެ ހުއްދަ 2024 ވަނަ އަހަރާއި ހަމައަށް އައު ކޮށްދީފައިއެވެ.

މި އެއްބަސްވުމުގެ ދަށުން ހަނޑޫ، ހަކުރު، ފުށް، ފިޔާ، ބިސް، އަލުވި އަދި މުގުގެ އިތުރުން އިމާރާތްކުރުމަށް ބޭނުންވާ ހިލަ އާއި ހިލަވެލި ފަދަ ތަކެތި ރާއްޖެއިން އިންޕޯޓް ކުރެވޭނެއެވެ.

ރާއްޖެއަށް، ދޫކޮށްފައިވާ މި ހުއްދައިގެ ސަބަބުން އެ ޤައުމުން މިހާރު ކަނޑައަޅާފައިވާ ނުވަތަ ކުރިއައްއޮތްތަނުގައި ކަނޑައަޅާ ތަކެތީގެ އެކްސްޕޯޓް ކުރުމުގެ ޤަވައިދަށް ގެންނަ އެންމެހައިބަދަލުތަކަކުން  ރާއްޖެ އުނިވާނެއެވެ.

އިންޑިއާ ހައި ކޮމިޝަނުން ނެރުނު ބަޔާނެއްގައި ވިދާޅުވީ ރާއްޖޭގެ ފުޑް ސެކިއުރިޓީ  ކަށަވަރުކުރުމަށް ފުރިހަމަ އެއްބާރުލުން އަބަދުވެސް އިންޑިއާއިން ދޭނެ ކަމަށެވެ.