ރާއްޖޭގެ ބައެއް ދޫކޮށްލަން ސަރުކާރުން ނޫޅޭ، އެފަދަކަމެއް ނުވެސް ކުރާނެ: ޝަރީފް
ސަރުކާރުން ރާއްޖޭގެ ބައެއް ދޫކޮށްލަން ނޫޅޭކަމަށާއި، އަދި އެފަދަ ކަމެއް ނުވެސް ކުރާނެކަމަށް ރައްޔިތުންގެ މަޖިލީހުގެ މަރަދޫ ދާއިރާގެ މެމްބަރު އިބްރާހިމް ޝަރީފް ވިދާޅުވެއްޖެއެވެ.
މިއަދުގެ މަޖިލިސް ޖަލްސާގައި ވާހަކަދައްވަމުން ޝަރީފް ވިދާޅުވީ ފޯޅަވައްސަށް އިނގިރޭސިން ދައުވާކުރިޔަސް، މޮރީޝަސްއިން ދައުވާކުރިޔަސް، އެއީ ރާއްޖެއިން ބައެއް ގެއްލެންޖެހޭނެކަމެއް ނޫން ކަމަށެވެ.
އަދި އެމީހުންގެ އަތުގައި ނެތް އެއްޗަކަށް ދައުވާ ނުކުރެވޭނެ ކަމަށާއިރާއްޖޭގެ ސަރަހައްދުން އެންމެ އިންޗިއެއްވެސް ރައްޔިތުންގެ މަޖިލީހުގެ ރުހުން ނެތި ދޫކޮށްލަން، ދިވެހި ސަރުކާރަށް ވެސް އެއްބަސް ނުވެވޭނެކަމަށާ އެފަދަ އެއްބަސްވެފައިވެސް ނޯންނާނެކަމަށް ވިދާޅުވިއެވެ.
ފޯޅަވަހީގެ މައްސަލައިގައި މަޑުއްވަރީ ދާއިރާގެ މެމްބަރު އާދަމް ޝަރީފް މިއަދު ވަނީ މަޖިލީހަށް މައްސަލައެއް ހުށަހަޅައިފައެވެ. މި ކުއްލި މައްސަލަ ބަލައިގަތުމަށް ފެންނަ ކަމަށް 54 މެމްބަރުން ވޯޓު ދިންއިރު، ކުއްލި މައްސަލަ ބަލައިގަތުމާ ދެކޮޅަށް ވޯޓު ދެއްވީ ކާށިދޫ ދާއިރާގެ މެމްބަރު އަބްދުﷲ ޖާބިރު އެކަނިއެވެ.
މިކަހަލަ ވޯޓެއް ކޮސޯވޯ މައްސަލާގަވެސް ދީގެން ބަޔަކު މީހުންވަނީ ފައިސާގަޑެއް ނަގާފައި ދިރުވާލާފައި، މިފަހަރުވެސް މިއުޅެނީ ފައިސާގަޑެއް ދިރުވާލަން ، ބައިއެޅުން ގިނަނުވެގެން މަޖިލިސް ފުކޯގައިވެސް އެވާހަކަ ދައްކަންފެށީ !
ސަރުކާރުގެ ޙިމާޔަތުގައި އެއްޗެއް ނުބުނެ ނުހުރެވުނުދޯ ވާނީވެސް އެހެންތާ
އައްޑޫ މީހުންނަކީ ގައުމީ ވަންތަކަމުގެ ކުޑަމިންވަރެއްވެސް ލިބިފައިވާ ބަޔެއްނޫން…..