އައްޑޫގައި އަލިފާނުގެ ބޮޑު ހާދިސާއެއް، އަދިވެސް ކޮންޓްރޯލެއް ނުވޭ

އައްޑޫ ސިޓީ، ހުޅުދޫ ފެން ފެކްޓްރީ ހުންނަ ސަރަހައްދުގައި އަލިފާން ރޯވެއްޖެއެވެ.

އެމްއެންޑީއެފްގެ މީޑިއާ އޮފިޝަލް ވިދާޅުވީ، އައްޑޫ ސިޓީ ހުޅުދޫ ބަނދަރު ސަރަހައްދު ވަލުތެރޭގައި އަލިފާން ރޯވެގެން، ހުޅުމީދޫ ފަޔަރ ސްޓޭޝަނުން 20:03 ހާއިރުން ފެށިގެން ހަރަކާތްތެރިވަމުންދާ ކަމަށެވެ. އަދި އެ ސަރަހައްދުގައި ހުރި ތާރު ކޮންޓެއިނަރތަކެއްގައިވެސް އަލިފާން ރޯވެގެން މިވަގުތު ހަރަކާތްތެރިވަމުންދާ ކަމަށް އެމްއެންޑީއެފުން ވިދާޅުވިއެވެ. މި ހާދިސާ ހިނގަން މެދުވެރިވި ސަބަބެއް އަދި މިހާތަނަށް އެނގިފައެއް ނުވެއެވެ.