ތެޔޮ ބޯޓެއްގައި ފުރި ދެ މީހަކު ހޯދަނީ

ވިލިމާލެ އިން ތެޔޮ ބޯޓެއްގައި ފުރި ދެ މީހަކު ގެއްލިގެން ހޯދަން ފަށައިފިއެވެ.

ފުލުހުން ވިދާޅުވީ މިރޭ ވިލިމާލެއިން ތެޔޮ ބޯޓެއްގައި ފުރި ދެ މީހަކު ޚަބަރެއް ނުވެގެން ހޯދަމުން އަންނަ ކަމަށެވެ. ގެއްލިގެން ހޯދަމުން އަންނަނީ ގދ.ތިނަދޫ، މަނާރު، މުޙައްމަދު ނާޒިމް (45) އާއި ބަންގްލަދޭޝް ރައްޔިތެއް ކަމުގައިވާ މޮހައްމަދު ލިޓަން(35) އެވެ. މި ދެ މީހުން ގެއްލިގެން ފުލުހުންނަށް އެންގީ މިމަހުގެ 29 ވަނަ ދުވަހުއެވެ. ފުލުހުން ވަނީ މި ދެ މީހުންނާ ގުޅޭ އެއްވެސް މަޢުލޫމާތެއް ލިބިއްޖެނަމަ، ހިއްސާ ކުރުމަށް އެދިވަޑައިގެންފައެވެ.