ރަޝިއާއިން އުފެއްދި ކޮވިޑް-19 ވެކްސިން ބޭނުން ކުރުމުގެ ހުއްދަ ދީފި
މިހާރު މުޅި ދުނިޔެ، އެބައްޔަކަށް ފަރުވާއެއްގެ އިންތިޒާރުގައި އޮތް، ކޮވިޑް-19 އަށް ފުރަތަމަ ފަހަރަށް ވެކްސިނެއް ފައްކާކޮށް، ރަޖިސްޓްރީކޮށް، އެ ވެކްސިން ރަޝާގައި ބޭނުންކުރަން ފަށައިފިއެވެ.
ރަޝިއާގެ ރައީސް ވުލަޑްމިއަރ ޕޫޓިން ވިދާޅުވީ ކޮވިޑަށް ރަޝާގައި އުފެއްދި ވެކްސިން ހުރިހާ ޓެސްޓް މަރުހަލާތަކެއް ފުރިހަމަކޮށްފައި ވާކަމަށާއި އަދި ޓެސްޓް މަރުހަލާތަކުގައި އެ ވެކްސިން ކާމިޔާބު ކަމަށެވެ.
ޕުޓިން ވިދާޅުވީ ވެކްސިން ކާމިޔާބު ކަމަށާއި، އަދި ވެކްސިން ބޭނުންކުރާ ފަރާތްތަށް ބަލިން ރައްކާތެރިވާނެކަމުގެ ޔަގީންކަން ލިބިފައިވާ ކަމަށެވެ. އަދި އޭނާގެ ދެ ދަރިކަނބަލުންގެ ތެރޭން އެއް ބޭފުޅަކަށް އެ ވެކްސިން މިހާރު ދީފައިވާ ކަމަށާއި އޭނާގެ ހާލުވެސް ރަނގަޅުކަން ޕޫޓިން ފާހަގަކުރެއްވިއެވެ.
ރަޝާ ވެގެން ގޮސްފައި މިވަނީ ކޮވިޑަށް ވެކްސިނެއް އުފެއްދި ފުރަތަމަ ގައުމަށެވެ. ރަޝާގެ ކަމާގުޅުންހުރި އިދާރާތަކުން ބުނީ، ވެކްސިން ދިނުމުގައި އެންމެ ފުރަތަމަ އިސްކަން ދޭނީ، ސިއްހީ ދާއިރާގެ މަސައްކަތްތެރީންނާއި، މުދައްރިސުންނާއި އެނޫން ވެސް މިފަދަ ރިސްކު ގްރޫޕް ތަކުގައި ތިބި ފަރާތްތަކަށް ކަމަށެވެ.
ފައިނަލީ