ފަޤީރުންގެ ދަފްތަރަށް ޝަކުވާ ހުށަހެޅުމުގެ ފުރުސަތު ހުޅުވައިލައިފި
މާލެ ސަރަހައްދުގައި ފަޤީރުންނާއި މިސްކީނުންގެ ދަފުތަރުގައި ރަޖިސްޓްރީވާން ހުޅުވައިލުމުން، ރަޖިސްޓްރިވީކަން ނާންގާ ފަރާތްތަކަށް ޝަކުވާ ހުށަހެޅުމުގެ ފުރުސަތު އިސްލާމިކް މިނިސްޓްރީން ހުޅުވައިލައްވައިފިއެެވެ.
މިކަމާ ގުޅޭގޮތުން އެ މިނިސްޓްރީން ވިދާޅުވެފައިވަނީ، މާލެ އާއި ވިލިމާލޭގެ އިތުރުން ހުޅުމާލޭން ފަޤީރުންނާއި މިސްކީނުންގެ ދަފުތަރުގައި ރަޖިސްޓްރީވުމަށް ހުޅުވައިލީ، މިދިޔަ އަހަރުގެ ޑިސެމްބަރު މަހުގެ 22 ވަނަ ދުވަހު ކަމަށެވެ.
މިނިސްޓްރީ އޮފް އިސްލާމިކް އެފެއާޒްއިން ބުނީ މި ފުރުސަތު ހުޅުވާލާފައިވަނީ މާލެ ސަރަހައްދުން ފަޤީރުންނާއި މިސްކީނުންގެ ގޮތުގައި އަލަށް ރަޖިސްޓްރީވުމަށް އެދޭ ފަރާތްތަކަށް ކަމަށެވެ. އަދި މިދިޔަ މަހުގެ 19އާ ހަމައަށް، ރަޖިސްޓްރީ ވުމަށް ފުރުސަތު ދިނެވެ.
ނަމަވެސް ދަފުތަރުގައި ރަޖިސްޓްރީވިކަން ނާންގާ ފަރާތްތަކުން އެއްވެސް ޝަކުވާއެއް ހުށަހަޅަން ބޭނުންވާ ނަމަ އެ ފުރުސަތު މި މަހުގެ 16 އާ ހަމައަށް ހުޅުވާލާފައިވާ ކަމަށެވެ. އަދި އެ މުއްދަތުގެ ފަހުން ހުށަހަޅާ އެއްވެސް ޝަކުވާއެއް ބަލައި ނުގަންނާނެ ކަމަށް މިނިސްޓްރީން ވިދާޅުވެއެވެ.
މެއިލްގެ ޒަރީއާއިން ޝަކުވާ ހުށަހަޅާ ނަމަ، ސަބްޖެކްޓްގައި ފޯމް ހުށަހެޅި މީހާގެ ނަމާއި އައިޑީ ކާޑް ނަމްބަރު އަދި ފޯނު ނަމްބަރު އެނގޭނެހެން ހުށަހަޅަން ޖެހެއެވެ. މިކަމާ ބެހޭ އިތުރު މައުލޫމާތު 3020201 އާއި 3020285 އިން ހޯދޭނެއެވެ.
Ads by STO
