ފުވައްމުލަކު ކޯޓުގެ މެޖިސްޓްރޭޓް އަހްމަދު އަކްރަމް ސަސްޕެންޑް ކޮށްފި
ޕްރޮސިކިއުޓަ ޖެނެރަލްގެ އޮފީހުން އިސްތިއުނާފު ކުރުމަށް ޏ.ފުވައްމުލަކު މެޖިސްޓްރޭޓް ކޯޓަށް ހުށަހެޅި ގަޒިއްޔާއެއްގެ ހުލާސާ ރިޕޯޓަށް ނުކުތާތަކެއް އިތުރުކޮށް، ފުވައްމުލަކު މެޖިސްޓްރޭޓް ކޯޓުގެ މެޖިސްޓްރޭޓް އަހްމަދު އަކްރަމް ހަތް ދުވަހުގެ މުއްދަތަށް ސަސްޕެންޑް ކޮށްފިއެވެ.
ޖޭއެސްސީން ވިދާޅުވީ ފުވައްމުލަކު މެޖިސްޓްރޭޓް ކޯޓުގެ ޤަޟިއްޔާއެއްގައި މެޖިސްޓްރޭޓް އަލްއުސްތާޛު އަޙްމަދު އަކްރަމް ޙުކުމްކޮށް 10 ނުކުތާއެއްގެ މައްޗަށް އެކުލެވޭ ޚުލާސާ ރިޕޯޓެއް ދަޢުވާގައި ހިމެނޭ ފަރާތްތަކަށް ދޫކުރުމުން، އެ ޚުލާސާ ރިޕޯޓުގެ މައްޗަށް ބިނާކޮށް 2020 ފެބްރުއަރީ 19 ގައި ޕްރޮސިކިއުޓަރ ޖެނެރަލްގެ އޮފީހުން އެ ޤަޟިއްޔާ އިސްތިއުނާފު ކުރުމަށް ޏ.ފުވައްމުލަކު މެޖިސްޓްރޭޓް ކޯޓަށް ހުށަހަޅާފައިވާ ކަމަށެވެޒ
ނަމަވެސް ޏ.ފުވައްމުލަކު މެޖިސްޓްރޭޓް ކޯޓުން ހައިކޯޓަށް ފޮނުވާފައިވަނީ ޕްރޮސިކިއުޓަރ ޖެނެރަލްގެ އޮފީހުން ޏ.ފުވައްމުލަކު މެޖިސްޓްރޭޓް ކޯޓަށް ހުށަހެޅި އިސްތިއުނާފީ ލިޔެކިޔުމުގައި ހިމެނޭ ޚުލާސާ ރިޕޯޓުގެ ބަދަލުގައި އެ ރިޕޯޓުގައި ނުހިމެނޭ އިތުރު ނުކުތާތަކެއް އިތުރުކޮށްފައިވާ ޚުލާސާ ރިޕޯޓެއްކަމަށް ޖޭސްސީން ވިދާޅުވިއެވެ.
“މިޤަޟިއްޔާގައި ޙުކުމްކޮށް ޚުލާސާ ރިޕޯޓު ދޫކުރިފަހުން، ޙުކުމް ކުރި ޝަރީޢަތުގެ މަޖިލީހުގައިވެސް މެޖިސްޓްރޭޓް އަލްއުސްތާޛު އަޙްމަދު އަކްރަމް ފާހަގަކޮށްފައިނުވާ އިތުރު ނުކުތާތަކެއް ޚުލާސާ ރިޕޯޓަށް އިތުރުކުރުމަކީ މެޖިސްޓްރޭޓް އަލްއުސްތާޛު އަޙްމަދު އަކްރަމް އިއްވި ޙުކުމަށް ނުވަތަ ޙުކުމަށް ވާސިލުވި ނުކުތާތަކަށް ފަހުން ބަދަލު ގެނައުންކަމާއި، މިއީ ކަނޑައެޅިގެން ޤާނޫނާ ޚިލާފު ކަމެއް” ޖޭއެސްސީން ވިދާޅުވިއެެވެ.
މީގެ އިތުރުން ޏ.ފުވައްމުލަކު މެޖިސްޓްރޭޓް ކޯޓަށް ހުށަހެޅި އިސްތިއުނާފީ ލިޔެކިޔުމަށް ބަދަލު ގެނެސް ޕްރޮސިކިއުޓަރ ޖެނެރަލްގެ އޮފީހުން ހުށަނާޅާ ލިޔުމެއް، އެ އޮފީހުން ހުށަހެޅި ލިޔުމެއްގެ ގޮތުގައި ދިވެހިރާއްޖޭގެ ހައިކޯޓަށް ފޮނުވާފައިވާ ކަމަށާއި ޕްރޮސިކިއުޓަރ ޖެނެރަލް އޮފީހުން ހުށަހެޅި ލިޔުމެއް ހައިކޯޓަށް ނުފޮނުވާ ބޭއްވުމަކީ ޕްރޮސިކިއުޓަރ ޖެނެރަލް އޮފީހުގެ ލިޔެކިޔުމަށް ބަދަލުގެނަސް ހަގީގަތް އޮޅުވާލުންކަން ސާބިތުވެފައިވާ ކަމަށް ޖޭއެސްސީން ވިދާޅުވިއެވެ.
