މިދިޔަ މަހު މާލޭގައި 245 ކައިވެނި، 115 ވަރި

މާލޭގައި މިދިޔަ މާޗް މަހު 245 ކައިވެނި ކުރިއިރު، އެ މަހުގެ ތެރޭގައި 115 ވަރިކޮށްފައިވާ ކަމަށް ފެމިލީ ކޯޓުގެ ތަފާސްހިސާބުތަކުން ހާމަވެއްޖެއެވެ.

Ads by MWSC

ފެމިލީ ކޯޓުގެ މާޗް މަހުގެ ތަފާސްހިސާބުތައް ދައްކާ ގޮތުން މިދިޔަ މަހު އެ ކޯޓަށް ހުށަހެޅި ވަރީގެ މައްސަލަތަކާއި ކުރީ މަހު ނުނިމި ހުރި ވަރީގެ މައްސަލަތަކާ އެކު މިދިޔަ މަހު ވަރިއާ ގުޅޭ ޖުމްލަ 149 މައްސަލަ ފެމިލީ ކޯޓުން ނިންމާފައިވެއެވެ.

ވަރީގެ މައްސަލަތަކުގެ ތެރެއިން މިދިޔަ މަހު އެންމެ ގިނައިން ނިންމާފައިވަނީ ވަރިވުމަށް އެދި ހުށަހެޅި މައްސަލަތަކެވެ. އެއީ 71 މައްސަލަ އެވެ. ދެވަނައަށް އެންމެ ގިނައިން ނިންމާފައިވަނީ ވަރި ސާބިތުކުރުމުގެ މައްސަލަ އެވެ. އެއީ 53 މައްސަލައެވެ.

ފެމިލީ ކޯޓުން ބަލަހައްޓަމުން ދަނީ ހަމައެކަނި މާލޭގައި ކުރާ ކައިވެނިތަކާއި ވަރީގެ މައްސަލަތަކުގެ އިތުރުން އާއިލީ މައްސަލަތަކެވެ.