ރާއްޖޭގެ ދެކުނުގެ ސަރަހައްދުގެ ބޯޑަރަކީ ކަނޑައެޅިފައިއޮތް ބޯޑަރެއްނޫން، ފޯޅަވަހި ހޯދަން މަސައްކަތް ކުރި ސަރުކާރެއް ނާދޭ: ގަފޫރު
ފޯޅަވައްސަކީ ރާއްޖޭގެ ބައެއްގެ ގޮތުގައި ކަނޑައެޅުމަށް ވޭތުވެ ދިޔަ ތާރީހުގައި ދުވަހަކުވެސް ރާއްޖެއިން ދުނިޔޭގެއް އެއްވެސްތަނެއްގައި އެއްވެސް ދައުވާއެއް ކޮށްފައި ނުވާކަމަށް ރައްޔިތުންގެ މަޖިލީހުގެ ހަނިމާދޫ ދާއިރާގެ މެމްބަރު އަބްދުލްގަފޫރު މޫސާ ވިދާޅުވެއްޖެއެވެ.
ރައްޔިތުންގެ މަޖިލީހުގެ މިއަދުގެ ޖަލްސާގައި ވާހަކަ ދައްކަވަމުން ގަފޫރު ވިދާޅުވީ "ދިގު ތާރީހުގެ ތެރެއިން" އެކަމަށް ދައުވާކުރަމުން އައިސްފައިވަނީ މޮރިޝަސް އިންކަމަށެވެ.
"ފޯޅަވައްސަކީ ރާއްޖޭގެ ބައެއްގެ ގޮތުގައި ވޭތުވެ ދިޔަ ތާރީހުގައި ދުވަހަކުވެސް ރާއްޖެއިން ދުނިޔޭގެއް އެއްވެސްތަނެއްގައި މިކަމުގެ އެއްވެސް ދައުވާއެއް ކޮށްފަކާނެތް. އެހެންނަމަވެސް ދިގު ތާރީހުގެ ތެރެއިން މޮރިޝަސް މިއަންނަނީ އެއީ އެބޭފުޅުންގެ ތަނެއްގެ ގޮތުގައި ދައުވާކުރަމުން އަދި ފޯޅަވަހީގައި ދިރިއުޅެމުންދާ ރައްޔިތުން ބާލައިގެން ގެންގޮސްލީ މޮރިޝަސް އަށް އަދިވެސް އެމީހުންގެ އާއިލާތައް އެތަނުގައި ދިރިއުޅެމުން އެގެންދަނީ" ގަފޫރު ވިދާޅުވިއެވެ.
އޭނާ އިތުރަށް ވިދާޅުވީ ރާއްޖޭގެ ދެކުނު ސަރަހައްދުގެ ބޯޑަރަކީ އަދިވެސް ކަނޑައެޅިފައިވާ ބޯޑަރެއް ނޫންކަމަށެވެ. ދިވެހިރާއްޖޭގެ ބިމުން އެންމެ އަކަ އިންޗިއެއް ވެސް މިސަރުކާރުން ކުރާ މަސައްކަތަކުން ގެއްލިގެން ނުދާނެކަމަށް އޭނާ ވިދާޅުވިއެވެ.
"ރާއްޖޭގެ ދެކުނުގެ ސަރަހައްދުގެ ބޯޑަރު އޮތީ މިހާހިސާބަށް އައި އިރު އަދިވެސް ކަނޑަނޭޅި އެއީ ކަނޑައެޅިފައިއޮތް ބޯޑަރެއްނޫން އދ އަކުން ނޯވޭ ރާއްޖޭގެ ދެކުނުގެ ބޯޑަރު ކަނޑައަޅާފަކާއެއް އެބޯޑަރުއޮތީ އަދިވެސް ހަމަ ކަނޑަނޭޅި އޮތް ބޯޑަރެއްގެ ގޮތުގައި ދިވެހިރާއްޖޭގެ ބިމުން އެންމެ އަކަ އިންޗިއެއްވެސް މިސަރުކާރުން ކުރާ މަސައްކަތަކުން ގެއްލިގެން ނުދާނެ އިއްޒަތްތެރި ރައީސް" ގަފޫރު ވިދާޅުވިއެވެ.
ގަފޫރު ވިދާޅުވީ ފޯޅަވަހި ރާއްޖޭގެ ބައެއްގެ ގޮތުގައި އޮތުން އެއީ ރަނގަޅުކަމެއްކަމަށާއި އެހެންނަމަވެސް ފޯޅަވަހި ރާއްޖޭގެ ތަނެއްގެ ގޮތުގައި ކިތަންމެ ދިގު ތާރީހެއް އޮތްކަމުގައި ވިޔަސް ފޯޅަވަހި ރާއްޖޭގެ ބައެއްގެ ގޮތުގައި އޮންނާކަށްވެސް ހޯދާކަށްވެސް އަދިބާއްވާކަށްވެސް މަސައްކަތެއް ކުރި ސަރުކާރެއް ނެތްކަމަށެވެ.
Ads by STO
