އެމްއާރްއެމްގެ އިސް ބޭފުޅުންތަކެއް ޕާޓީން އިސްތިއުފާ ދޭން ނިންމައިފި

މޯލްޑިވްސް ރިފޯމް މޫވްމަންޓް (އެމްއާރްއެމް) ގެ އިސް ބޭފުޅުންތަކެއް ޕާޓީން އިސްތިއުފާ ދިނުމަށް ނިންމައިފިއެވެ.

Ads by Sosun Fihaara

މަޢުލޫމާތު ލިބިފައިވާ ގޮތުގައި އެމްއާރްއެމްގެ 10 ބޭފުޅުން އިސްތިއުފާ ދޭން ނިންމާފައިވަނީ އަންނަ ހޮނިހިރުއެވެ.

އޭގެ ތެރޭގައި މިނިސްޓަރު ޔުމްނާ މައުމޫންގެ ފިރިކަލުން މުހައްމަދު ނަދީމް، ރައީސް މައުމޫންގެ ޕާސަނަލް ސެކްރެޓަރީ އަހުމަދު ސޮފްވާން، އެމްއައިޓީޑީސީގެ މެނޭޖިން ޑިރެކްޓަރު މުހައްމަދު ރާއިދުއާއި، މޯލްޑިވްސް ޓޫރިޒަމް ޑިވެލޮޕްމަންޓް ކޯޕަރޭޝަން (އެމްޓީޑީސީ) ގެ މެނޭޖިން ޑިރެކްޓަރު ތަޒްމީލް އަބްދުއްސަމަދުއާއި، މޯލްޑިވްސް ގޭސްގެ މެނޭޖިންގ ޑިރެކްޓަރު ޝަޒާއިލް ހިމެނެއެވެ.

މި ބޭފުޅުން އެމްއާރްއެމްއިން އިސްތިއުފާ ދެއްވަނީ އެމްއާރްއެމް މިހާރު ހިންގާ ގޮތާމެދު ހިތްހަމަ ނުޖެހުންތަކެއް ހުރުމުންނެވެ.